Respublikaçı Alternativ (ReAl) vətəndaş hərəkatı bəyanatla çıxış edərək, prokurorun İsmayıllı hadisələri üzrə təqsirləndirilən şəxsləri mühakimə etmək çağırışını pisləyib.
Bu iş üzrə, o cümlədən ReAl lideri İlqar Məmmədov və Müsavat Partiyasının sədr müavini Tofiq Yaqublu barəsində hökmün oxunması martın 17-nə təyin edilib.
“Məşhur “İsmayıllı” işi üzrə məhkəmə prosesi başa çatmaq üzrədir, martın 17-də məhkəmə sifarişlə hökmü elan edəcək. Dövlət ittihamçısı təqsirsiz insanların törətmədiyi cinayətlərə görə mühakimə edilməsini istəyir. Belə ki, o, hakimiyyətin siyasi rəqibi olan İlqar Məmmədovu uzunmüddətli həbs cəzasına məhkum etməyi istəyib”, deyə bəyanatda bildirilir.
Məhkəmə ittiham hökmü çıxararsa, hərəkat bununla heç vaxt barışmayacaq. “Ukraynada baş verən hadisələr bir daha göstərdi ki, bütün xalqların ayağa qalxmaq və siyasi rəqiblərini saxta ittihamlarla həbsə atan diktatorları devirmək iqtidarındadır, beynəlxalq ictimaiyyət isə xalqın iradəsini bu şəkildə ifadə etməsini legitim hesab edir”, deyə bəyanatda vurğulanır.
Bəyanat müəllifləri hakimləri Məmmədov, Yaqublu və digər müttəhimlər barədə sifarişli hökm çıxarmamağa çağırıblar.
“İndi hər şey hakimiyyətdən asılıdır, bu məsuliyyətli anda dialoq üçün imkanlar yaranıb. Bütün siyasi məhbusların azad edilməsi Azərbaycan üçün tarixi şans olardı”, deyə sonda qeyd edilir. -06D-
Cəmiyyət
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
Rəy yaz