Martın 14-də Türkiyənin Van şəhərində Azərbaycan, Türkiyə və İran XİN rəhbərlərinin üçtərəfli görüşü olacaq. Bu barədə cümə axşamı Azərbaycanın xarici işlər naziri Elmar Məmmədyarov İranın XİN rəhbərinin müavini İbrahim Rəhmanpur ilə görüşü zamanı bildirib.
Azərbaycan XİN-in saytında yerləşdirilən məlumatda deyilir ki, bu formatda görüşlər üç ölkə arasında əməkdaşlığın inkişafına töhfə verir.
Qarşıdakı görüş üçünçü belə görüş olacaq. İlk iki görüş İranın Urmiyə və Azərbaycanın Naxçıvan şəhərlərində keçirilib.
İranlı diplomat ilə görüş zamanı Azərbaycanla İran arasında ticari-iqtisadi əlaqələrin genişləndirilməsi, Xəzər dənizinin statusunun müəyyən edilməsi, nəqliyyat sahəsində layihələrin icrası, humanitar və mədəni layihələrin həyata keçirilməsi, müqavilə-hüquq bazasının inkişafı məsələləri müzakirə olunub. -02D-
Siyasət
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Cənubi Qafqazda Fransanın diplomatik mirasına dair kəskin müzakirə fonunda, cümə günü Bakıda beynəlxalq konfrans keçirildi və bu tədbirdə Fransanın Ermənistan-Azərbaycan münaqişəsindəki rolu qiymətləndirildi. Beynəlxalq Münasibətlərin Təhlili Mərkəzi tərəfindən təşkil edilən tədbir, Azərbaycanın uzun müddətdir Fransanın Ermənistana qarşı tarixi tərəfkeşliyindən narahatlığını vurğuladı.
-
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Human Rights Watch (HRW) təşkilatının icraçı direktoru Tirana Həsənə açıq məktub göndərərək, bu qurumun ölkədə insan hüquqları vəziyyəti ilə bağlı son hesabatına dair narazılığını ifadə edib.
-
ABŞ prezidenti Donald Tramp helikopter və təyyarənin toqquşmasından bir neçə saat sonra, Ağ Evdə ilk mətbuat konfransını keçirib.
Rəy yaz