Bakı/30.01.18/Turan: Bakı Ağır Cinayətlər Məhkəməsində Mahmud Ağalarovun sədrliyilə "Bizim dövr" qəzetinin baş redaktoru Surxay Əliyev, onun müavini Hikmət Nəcəfli və reketçilikdə ittiham edilən digər şəxslərin məhkəmə prosesi keçirilib.
Öncə zərərçəkən, Bərdə Suvarma sisteminin əməkdaşı Sərdar Əhmədov ifadə verib.
"3-4 il öncə Hikmət Nəcəfli mənə zəng edərək qəzetin buraxılışına kömək etməyimi istədi. Bir neçə gündən sonra poçt ilə ona 100 manat göndərildi".
Zərərçəkən bildirib ki, xahişlə yanaşı onun ünvanına hədələr də olub.
"Mənə zəng edərək bildirdilər ki, mənim haqqında müəyyən məlumat daxil olub. Onu dərc etməmək üçün min manat tələb etdilər. Çoxsaylı zənglərdən sonra mən Hikmətə 100 manat verdim", - o bildirib.
Sonra zərərçəkən, keçmiş polis əməkdaşı Müşfiq Hüseynov dindirilib.
"Bir neçə il əvvəl mən Yasamal Rayon Polis İdarəsində alay komandiri idim. Bir dəfə Hikmət mənə zəng edərək dedi ki, onda məni ifşaedəcək video var. Mənim əməkdaşım onunla görüşdü. Onlar razılığa gəldilər. Ancaq məqalə qəzetdə çıxdı. Bundan sonra özüm nəşriyyatda onu gördüm, orada diski videoyazı ilə birlikdə məhv etdik, söhbət bağlandı".
Bundan sonra məhkəmə iclası qapalı rejimdə davam etdirməyi qərara alıb, iştirakçılar və jurnalistlər zaldan çıxarılıb.-0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz