Azərbaycanda insan hüquqlarının vəziyyətilə bağlı hüquq-müdafiə təşkilatlarının hesabatı
Bakı /30.01.18/Turan: Yanvarın 29-da BMT-nin İşgəncələr Əleyhinə Komitəsinə hüquq-müdafiə təşkilatları - Sülh və Demokratiya İnstitutu, İnsan Hüquqları Naminə Beynəlxalq Tərəfdaşlıq və İşgəncələr Əleyhinə Beynəlxalq Təşkilatın birgə hesabatı göndərilib.
Hesabatda Azərbaycanda insan hüquqlarının, demokratik azadlıqların vəziyyətindən danışılır. Bu barədə Sülh və Demokratiya İnstitutunun məlumatında bildirilir.
Sənəddə siyasi məhbusların sayı göstərilib, çoxunun adı açıqlanıb, həbsin, məhkəmənin və hökmün siyasi motivli olduğu qeyd edilib. Həmçinin Nardaranda, Qobustan həbsxanasında işğəncə və qətllər, digər cəzaçəkmə yerlərində məhbusların ölüm faktları xatırladılır.
Hesabatda Ermənistanın xeyrinə casusluqda ittiham olunan şəxslərin ifşa edilməsi üzrə əməliyyat zamanı həlak olanların adları açıqlanır. Sənəddə həmin cinayətlərin araşdırılması tələb olunur.
Sənəddə vətəndaş cəmiyyəti institutlarına qarşı təqiblər, vətəndaşların peşəkar hüquqi müdafiədən məhrum edilməsi haqda məlumat əksini tapır, siyasi məhbusları müdafiə etdiyinə görə Vəkillər Kollegiyasından xaric edilən vəkillərin adları sadalanır.-02D-
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz