Azərbaycan və Aİ arasında nəqliyyat üzrə illik məsləhətləşmələrə dair razılıq əldə olunub

Bakı/30.01.18Turan: Azərbaycan və Aİ arasında nəqliyyat sahəsində illik məsləhətləşmələrin keçirilməsinə dair saziş əldə edilib. Bu barədə bu gün Avropa Komissiyasının nəqliyyat və mobillik üzrə direktoru Henrik Holoyen Azərbaycana səfərinin yekunları ilə bağlı bildirib.

Onun sözlərinə görə, Azərbaycanla Aİ arasında imzalanmış aviasiya sazişi ilə bağlı məsələlər də diqqət mərkəzində olub.

"Şadam ki, Azərbaycan rəhbərliyinin sazişin qarşılıqlı faydalı olacağı barədə aydın təsəvvürü var", - H.Holoyen bildirib.

O qeyd edib ki, bu məsələ üzrə iş davam edir. Qonaq Azərbaycanın nəqliyyat kommunikasiyalarının inkişafı sahəsində nailiyyətini vurğulayıb.

Belə ki, o, Bakı-Tbilisi-Qars dəmir yolunu Azərbaycanı nəqliyyat xabına çevirəcək strateji layihə adlandırıb.

H.Holoyenin sözlərinə görə, Aİ Avropa ilə Asiyanı birləşdirən regionda kommunikasiyadan istifadə etməyə çalışır. O, BTQ-nin effektivliyini qiymətləndirməyərək deyib ki, layihə iki aydır ki, işə düşüb və onun potensilalından hələ az istifadə edilib.

Aİ ekoloji təmizlik baxımından dəmir yolu daşınmalarının inkişafını alqışlayır. H.Holoyen nəqliyyatın rəqəmsallaşdırılmasına tərəfdar olan nəqliyyat və yüksək texnologiyalar naziri Ramin Quluzadənin barəsində xoş sözlər söyləyib.-71B06