Reketdə ittiham olunan Habil Vəliyevin işi üzrə məhkəmədə

Bakı/27.02.18/Turan: Bakı Ağır Cinayətlər Məhkəməsində Fikrət Qəribovun sədrliyi ilə "Gündəlik Bakı" qəzetinin baş redaktoru Habil Vəliyevin cinayət işi üzrə məhkəmə iclası dövlət ittihamçısının çıxışı ilə davam edib.

"Gündəlik Bakı" qəzetinin baş redaktoru Habil Vəliyev 2016-cı ilin dekabrında hədələmə yolu ilə pul tələb edilməsində, səlahiyyəti olmayan şəxslər tərəfindən məxfi məlumat əldə edilməsi üçün nəzərdə tutulmuş texniki vasitələrdən istifadə ilə əməliyyat-axtarış fəaliyyətinin həyata keçirilməsində şübhəli bilinərək həbs edilib.

Prokuror öz çıxışında qeyd edib ki, Vəliyev Azərbaycan Respublikasının qanunvericiliyini pozub, bu, məhkəmə prosesi zamanı sübuta yetirilib. Onun sözlərinə görə, baş redaktor səlahiyyəti olmadan texniki avadanlıqlardan istifadə edərək, hədələmə yolu ilə vətəndaşlardan müxtəlif məbləğlərdə pul tələb edirdi.

Amma dövlət ittihamçısı həmçinin qeyd edib ki, işin bəzi epizodları üzrə ittiham dəyişdirilib. Belə ki, böyük ölçüdə pul tələb etmə pul tələb etmə ilə dəyişdirilməlidir. Bütün bunları nəzərə alaraq, prokuror məhkəmədən Habil Vəliyevi təqsirli bilib və ona əmlakı müsadirə olunmaqla, 7,5 il müddətinə azadlıqdan məhrumetmə cəzası verilməsini istəyib.

Sonradan söz dövlət vəkillərinə verilib, onlar məhkəmədən çıxışa hazırlaşmaq üçün vaxt istəyiblər. Məhkəmə vəsatəti təmin edib, məhkəmə prosesini martın 13-nə təyin edib. -0-