Zaur Gambarov
Bakı/19.03.21/Turan: Anews.az saytının bölgə müxbiri Zaur Qəmbərov bu gün Bakı Apellyasiya Məhkəməsi tərəfindən cəzası yumşaldıldıqdan sonra azadlığa çıxıb.
Vəkil Cavad Cavadovun verdiyi məlumata görə, Qəmbərov 2020-ci il oktyabrın 20-də 3 il altı ay müddətinə azadlıqdan məhrum edilib. Bu gün məhkəmə şikayəti qismən təmin edib və azadlıqdan məhrumetmə cəzasını iki il ərzində azadlığın məhdudlaşdırılması ilə əvəz edib.
Belə ki, iki il ərzində o, saat 23:00-dan səhər saat 7:00-a qədər evdə olmalıdır. Amma onun beş ay barmaqlıqlar arxasında keçirdiyini nəzərə alan məhkəmə cəza müddətini 1 il 2 aya qədər azaldıb.
Xatırladaq ki, Qəmbərov silahdan və ya silah qismində istifadə olunan əşyadan istifadə etməklə törədilən xuliqanlıqda (Azərbaycan Respublikası Cinayət Məcəlləsinin 221.3-cü maddəsi) ittiham olunub. Ona qarşı ittiham Gədəbə rayon Sosial Müdafiə Xidmətinin məmuru tərəfindən irəli sürülüb. Müxbirin təqibinin əsl səbəbi onun rayonda pozuntular və korrupsiya haqqında tənqidi videosu olub. -02В-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz