Rəsmi mətbuatda antiamerika əhval-ruhiyyəsi kəskinləşir
Azərbaycanın rəsmi və iqtidaryönmlü mediası ABŞ və dövlət katibi Con Kerrinin sərt tənqid edən məqalələrin dərcini davam etdirir.
ABŞ səfirliyinin dünənki bəyanatından sonra bu gün rəsmi dövlət qəzeti “Azərbaycan” ABŞ əleyhinə iki, Azərbaycan prezidentinin İşlər İdarəsinin “Xalq qəzeti” isə bir məqalə dərc edib.
Rəsmi “Azərbaycan”ın “İnsan hüquqları” və “demokratiya” siyasi avantura vasitəsinə çevriləndə” başlıqlı məqaləsində deyilir ki, Qərb dünyası, o cümlədən ABŞ özünü dünyada “demokratiyanın beşiyi” kimi təqdim edir və beynəlxalq münasibətlərdə özünü demokratiya məslələrinə xüsusi önəm verdiyini göstərmək istəyir. Lakin Qərb imperializminin dünyanın bir çox xalqlarının başına açdığı oyunlar tarixdən yaxşı məlumdur.
“Görünən odur ki, bu gün “insan hüquqları” və “demokratiya” ABŞ-ın rəhbər şəxsləri tərəfindən siyasi avantura vasitəsinə çevrilib. Özünü “azadlıq çarçısı” kimi təqdim edənlər əslində dövlət çevrilişləri və siyasi qəsdlərin müəllifləri rolunda çıxış edirlər”, - məqalədə qeyd olunur.
İkinci məqalə “907-ci düzəliş”in müəllifi Con Kerri yeni antiazərbaycan kampaniyasına başlayıb” başlığı altında dərc olunub. Məqalədə iqtidarda olan Yeni Azərbaycan Partiyasının icra katibinin müavini, Milli Məclisin deputatı Siyavuş Novruzov, Milli Məclisin digər deputatı Asim Mollazadə və politoloq Mübariz Əhmədoğlunun fikirlərinə əsaslanaraq ABŞ dövlət katibi Con Kerrinin ofisinin Azərbaycanın əleyhinə işlədiyi bildirilir. Yazıda Kerrinin Azərbaycan əleyhinə qara piar apardığı və erməniləri dəstəklədiyi deyilir.
“Xalq qəzeti”nin “Mələk donlu mister”in kələk dolu piar torbası ifşa olunur” başlıqlı məqalədə ironiya ilə bildirlir ki, cənab Kerri Azərbaycanda jurnalistlərin, yazıçıların və digər yaradıcı insanların satın alınması barədə konkret tapşırıq verib.
Xatırladaq ki, ABŞ-ın Azərbaycandakı səfirliyi media vebsaytlarında ABŞ və dövlət katibi Con Kerrinin əleyhinə yazılarla bağlı bəyanat yayıb.
“ABŞ səfirliyi bu yaxında dərc olunan və ABŞ-Azərbaycan münasibətlərini hədəfə alan media məqalələrindən agahdır. Birləşmiş Ştatların Azərbaycan hökumətini devirmək istiqamətində işləməsi barədə iddiaları tamamilə əsassızdır və bizim dövlətlərimiz arasında iyirmi ildən artıq mövcud olan əməkdaşlığa qeyri-ədalətli yanaşmadır. Birləşmiş Ştatlar Azərbaycanın müstəgilliyinin ilkin çağlarından Azərbaycanla çiyin-çiyinə dayanaraq, “Əsrin müqaviləsi”ni dəstəkləmək də daxil olaraq, Azərbaycanın suverenliyinin və uğurunun təminatı üçün fəaliyyət göstərib”, - bəyanatda qeyd edilir.-03B-
-
- İqtisadiyyat
- 30 Aprel 2015 13:14
-
- İqtisadiyyat
- 30 Aprel 2015 13:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz