Tofiq Yaqublu
Bakı/30.05.19/Turan: Mayın 30-da Abşeron rayon məhkəməsində Sevil Quliyeva və Şövkət Nəcəfovanın sədrliyi ilə 28 May Respublika Günü ilə əlaqədar keçirilən yürüşün iştirakçıları barəsində cərimə qərarları çıxarılıb.
Aksiya Novxanı qəsəbəsində keçirilib, tədbirdə Azərbaycan Xalq Cümhuriyyətinin (1918-1920) banisinin abidəsinə çiçək qoymaq üçün yüzlərlə müxalifət fəalı və bitərəf vətəndaşlar iştirak ediblər.
300 manat məbləğində cəriməyə məruz qoyulanlar arasında Demokratik Qüvvələrin Milli Şurasının Koordinasiya Şurasının üzvü Tofiq Yaqublu, AXCP üzvləri Bəxtiyar Hüseynov, Şakir Əhmədov, bitərəf Mirzə Aydın var.
Məhkəmə onları İnzibati Xətalar məcəlləsinin 513.2-ci maddəsi (toplantıların təşkili və keçirilməsi qaydasının pozulması) ilə təqsirli bilib.
Fəallar özləri məhkəmə qərarlarını sifarişli hesab edirlər və onlardan şikayət vermək niyyətindədirlər. Bu barədə Turan Agentliyinə Tofiq Yaqublu bildirib.
Öz növbəsində, AXCP sədr müavini Gözəl Bayramlı Turan-a bildirib ki, mayın 28-də Novxanıda polis 8 nəfəri saxlayıb. Digər dörd nəfər barəsində məhkəmələr mayın 31-də qərar qəbul edəcəklər. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz