Bakı/18.07.18/Turan: Bakının Binəqədi rayon məhkəməsinin iclas zalında iyulun 16-da münaqişə baş verib. İttiham olunan tərəf - Qarabağ Azadlıq Təşkilatı iddiaçıya - rayonun 220 saylı orta məktəbinin keçmiş ingilis dili müəllimi Rövşən Əzizova hücum edib. Bu barədə Turan-a Əzizov özü danışıb.
İddiaçı QAT-ı onun şərəf və ləyaqətini təhqir etməkdə, KİV-də guya onun erməni əsilli olması haqqında iftiralar yaymaqda ittiham edib.
"QAT üzvlərini məhkəmə zalından çıxaran polis olmasaydı, onlar orada məni döyə bilərdilər. Avqustun 7-də növbəti iclas olacaq, QAT bu iclasda iştirak üçün fəallarını səfərbər etdiyini elan edib, məni "erməni casusu" adlandırırlar. Həyatıma görə narahatam və jurnalistlərdən məhkəmədə iştirak etməyi xahiş edirəm", deyə Əzizov bildirib.
Xatırladaq ki, gənc müəllim Azərbaycanda ötən il ingilis dilinin tədrisində yeni metodlardan istifadə etməyə başladıqdan sonra məşhurlaşıb. O, məktəb rəhbərliyini tənqid etdikdən sonra isə dekabrın 27-də "əmək intizamını pozduğuna" görə işdən çıxarılıb.
Əzizov məktəb direktorunu məhkəməyə verib, məhkəmə işdən çıxarılmanın qanuna uyğun olduğunu təsdiq edib və hazırda bu işə Ali Məhkəmədə baxılır.
Müəllimin QAT-la münaqişəsi Əzizovun şagirdləri ilə birlikdə Azərbaycanlı uşaqları Azərbaycan və Ermənistan məktəbliləri rolunu oynayaraq, iki xalqın barışması zərurəti haqqında nəticəyə gəldikləri videofilm çəkdiyinə görə yaranıb. Filmdə Azərbaycanın Dağlıq Qarabağ üzərində hüquqi təsdiq edilir. Amma çoxları bu filmi Azərbaycanın maraqlarının satılması hesab ediblər, QAT lideri isə Əzizovu "erməni casusu" adlandırıb. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz