Kiyev/19.07.18/Turan: İyulun 18-də Kiyevin mərkəzində dahi Azərbaycan müğənnisi Müslüm Maqomayevin abidəsinin və onun adına bağın təntənəli açılışı olub. Tədbir dünya şöhrətli opera və estrada müğənnisi, bəstəkar, xalq artisinin 75 illik yubileyinə həsr olunub.
Bağ V.Çernovol prospekti ilə Seçevıe Streltsı küçəsinin kəsişməsində yerləşir. Mərasimə yüzlərlə Kiyev sakini, əsasən yaşlı nəslin nümayəndələri gəlib.
Açılışda Ukraynanın mədəniyyət naziri Yevgeni Nişuk, Azərbaycanın mədəniyyət naziri Əbülfəz Qarayev, Diaspora ilə İş üzrə Dövlət Komitəsinin sədri Fuad Muradov, Azərbaycanın Ukraynadakı səfiri Azər Xudiyev iştirak ediblər.
"Əminəm ki, bu bağ kiyevlilər və şəhərin qonaqları - əfsanəvi müğənni və bəstəkarın istedadlarının milyonlarla pərəstişkarı üçün böyük hədiyyə olacaq. Kİyevlilər buraya gəlib, istirahətdən zövq alacaqlar", deyə Kiyev merinin müavini Aleksandr Spasibko bildirib.
Yerli KİV-lərin məlumatına görə, Müslüm Maqomayev bağının salınması və abidəsinin ucaldılması layihəsi milliyyətçi siyasi qüvvələr və sovet keçmişini xatırladan hər şeyə qarşı çıxan qruplaşmaların etirazına səbəb olmayıb. Yeri gəlmişkən, Ukraynada Müslüm Maqomayevi həmişə seviblər, onun istedadına pərəstiş ediblər. -0-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz