![Rüfət Səfərov 7 sutkalığa karserə salınıb](https://turan.az/resized/media/2017/main/011900180831-750-500-resize.webp)
Rüfət Səfərov 7 sutkalığa karserə salınıb
Zərdab Rayon Prokurorluğunun keçmiş müstəntiqi Rüfət Səfərov cəza çəkdiyi 9 saylı koloniyada 7 sutkalığa karserə salınıb. Bu barədə Turan-a onun vəkili Bəhruz Bayramov bildirib.
O hesab edir ki, müttəhimə təzyiqlər göstərilir.
“Rüfət Səfərova təzyiq Apellyasiya Məhkəməsindən sonra başlayıb. Öncə təcridxanada 25 il həbsdə yatan residivisti onun yanında yerləşdiriblər. O, Rüfətə qarşı aqressiv, qeyri-adekvat yanaşıb.
9 saylı koloniyaya köçürüldükdən sonra onun yanında rühi xəstə yerləşdiriblər ki, o da Rüfətə yatmağa imkan verməyib. Rüfət bu barədə koloniya nəzarətçiləri dəstəsinin rəhbərinə söylədikdə o, Rüfəti təhqir edib. Bundan sonra Rüfət koloniya rəhbərliyinə şikayət edib. Nəticədə guya Rüfət nizam-intizamı pozduğuna görə iki gün öncə 7 günlüyə karserə salıblar.
Vəkil bu qərarı qanunsuz adlandırıb. O, R.Səfərovun atası və onun hüquqlarının İctimai Müdafiə Komitəsinin rəhbəri Mətləb Mütəllimli ilə birlikdə keçmiş müstəntiqə qarşı qanunsuzluğun aradan qaldırılması məqsədilə koloniya rəisi ilə görüşmək istəyir.
* Rüfət Səfərov 2016-cı ilin sentyabrında rüşvət almaq ittihamı ilə 9 il azadlıqdan məhrumetmə cəzasına məhkum edilib, buna qədər isə “davranış normalarını pozduğuna görə” prokurorluqdan xaric edilib. Dekabrın 22-də Apellyasiya Məhkəməsi R.Səfərovun barəsində hökmü qüvvədə saxlayıb.
Onun atası, hakim partiyanın keçmiş fəalı, uzun müddət parlamentin üzvü, sonradan Müdafiə Nazirliyinin mətbuat katibi olan Eldar Sabiroğlu işdən çıxdıqdan sonra Prezident Administrasiyasının rəhbəri Ramiz Mehdiyevi kəskin tənqid etməyə başlayıb, bundan sonra Rüfət Səfərovun da təqibi başlayıb. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz