Dekabrın 1-də Şirvan Apellyasiya Məhkəməsində Zərdab Rayon Prokurorluğunun keçmiş müstəntiqi Rüfət Səfərovun şikayəti üzrə məhkəməsi başlayıb. O, rüşvət almaq ittihamı ilə 9 il azadlıqdan məhrum edilib.
Keçmiş müstəntiq Rüfət Səfərov 2016-cı ilin sentyabrında rüşvət almaq ittihamı ilə 9 il azadlıqdan məhrum olunub. Bundan öncə “davranış normalarını pozduğuna görə” prokurorluq orqanlarından xaric edilib.
Onun atası, hakim partiyanın keçmiş fəalı, uzun müddət parlamentin deputatı, sonralar Müdafiə Nazirliyinin mətbuat katibi olmuş Eldar Sabiroğlu Ramiz Mehdiyevi kəskin tənqid edib. R.Səfərovun prokurorluq orqanlarından istefası bundan sonraya təsadüf edir.
Vəkil Bəhruz Bayramov Turan-a bildirib ki, müdafiə tərəfinin iki vəsatətini məhkəmə təmin edib. Bunlar Rüfət Səfərovun dəmir barmaqlıqlar arasından çıxarılaraq vəkilin yanında oturması və Zərdab rayon Mədəniyyət və Turizm İdarəsinin rəisinin məhkəmədə dindirilməsi ilə bağlı vəsatətlərdir.
Onun sözlərinə görə, Səfərov məhkəmədə çıxışında bildirib ki, saxta ittiham və saxta sübutlarla həbs edilib.
“Mən məhkəmələrin ədalətinə inanmıram, hansı sifariş verəcəklər, o qərarı da qəbul edəcəksiniz. Sizin qərarınız mənim üçün əhəmiyyət kəsb etmir, əsas odur ki, xalq mənim həbsimin səbəblərini bilir. Məni öldürə də bilərsiniz. Amma bilin ki, ruhum həmişə xalqımladır”, deyə vəkil Səfərova istinadən deyib.
Məhkəmə dekabrın 22-dək təxirə salınıb. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz