![«Nardaran hadisələri bağlı daha bir qrupun işi məhkəmədə](https://turan.az/resized/750/500/resize/media/2016/main/120100176533.jpg)
«Nardaran hadisələri bağlı daha bir qrupun işi məhkəmədə
Nardaran qəsəbəsində baş verən olaylara görə həbs olunan daha 12 məhbusun işi məhkəməyə göndərilib. Bunu Turan-a həmin şəxslərin vəkillərindən Fariz Namazlı bildirib.
Vəkil məhkəmənin nə zaman keçiriləcəyinin bəlli olmadığını bildirib.
F.Namazlının sözlərinə görə, cinayət işləri məhkəməyə göndərilən nardaranlılar Elçin Qasımov, Ağa-Əli Yəhyayev, Nahid Qəhrəmanov, Seyfəddin Şirvanov, Fərhad Muradov, Ramil Əliyev, Elgün Axundov, Alış Vüsal,İsa İbrahimov Seymur Aslanov, Əli Şahbazov və Əmirəli Əliyevdir.
Adları çəkilən şəxslərə Cinayət Məcəlləsinin cinayətə hazırlıq, terrorçuluq, kütləvi iğtişaş və digər maddələri ilə ittiham irəli sürülüb.
Xatırladaq ki, 2015-ci il noyabrın 26-da Nardaranda silahlı insident olub. Rəsmi məlumata görə, bu insidentdə 4 nəfər kənd sakini və 2 nəfər polis ölüb.
Rəsmi bilgilərə görə, həmin hadisələrlə bağlı "Müsəlman Birliyi" Hərəkatının 70-dən çox tərəfdarı həbs edilib. Hüquq müdafiəçilərinin siyahısında bu rəqəm 87 nəfər göstərilir.
“Müsəlman Birliyi” Hərəkatının sədri Taleh Bağırov, Abbas Hüseynov və daha 16 nəfərin məhkəməsi ayrılıqda davam edir.
T.Bağırov və onunla saxlanılanlar qətldə və daha bir neçə çox ağır cinayətdə təqsirləndirilir. Təqsirləndirilənlər bu ittihamları rədd edir, onlardan ifadələrin işgəncə altında alındığını bildirirlər. -0-
-
- Cəmiyyət
- 1 Dekabr 2016 17:51
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz