Rusiyalı yazıçılar Azərbaycan prezidentini Saday Şəkərlinin azadlığa buraxılmasına yardımçı olmağa çağırırlar
Tanınmış rusiyalı yazıçı və şairlərdən ibarət bir qrup (onların arasında Yuri Bondarev, Stanislav Kunyayev, Valeri Qaniçev, Aleksandr Proxanov da var) Azərbaycan prezidenti İlham Əliyevə müraciət edərək hüquq-mühafizə orqanlarının işinə müdaxilə etməyə, məsələyə aydınlıq gətirməyə və kitabları Azərbaycan, Rusiya, İran, Türkiyə və Amerikada nəşr olunan yazıçı Saday Şəkərlinin azad edilməsinə yardımçı olmağa çağırıblar.
Yazıçılar S.Şəkərlini Azərbaycanın vətənpərvəri adlandırırlar və hesab edirlər ki, “həbs hansısa pul tələb etmək məsələsilə bağlı deyil, məhz yazıçılıq fəaliyyətilə bağlıdır. Çünki yazıçı öz kitablarında həmişə tənqidə yer ayırır, sosial sıxıntıda olan soydaşlarına can yandırır.
Saday Şəkərli 2015-ci il dekabrın 23-də pul tələb etmək və vergilər naziri Fazil Məmmədovu şantaj etmək ittihamı ilə (182.3.2-ci külli miqdarda əmlakı hədə-qorxu ilə tələb etmə) həbs edilib. Baş Prokurorluğun məlumatına görə, S.Şəkərli 10 min manat məbləğində pulu almasında şübhələr üçün əsaslar olduğundan həbs edilib.
S.Şəkərlinin istintaq təcridxanasından yazdığı məktubdan (məktub yanvarın 12-də criminal.az saytında dərc edilib) məlum olur ki, yazıçı Fazil Məmmədovla tanış imiş və F.Məmmədov əvvəllər FHN rəhbəri Kəmaləddin Heydərov və Azərbaycan Yazıçılar Birliyinin sədri Anarın vasitəçiliyilə ona dəfələrlə maliyyə yardımı edib. Lakin sonuncu dəfə yazıçı “Qurd ürəyi” romanı üçün dəstək istəyib. Trilogiyanın birinci hissəsi dərc edilib. Məktubdan belə çıxır ki, S.Şəkərli Vergilər Nazirliyinə kitabın bir nüsxəsini göndərdikdən sonra onu nazir müavini Asif Cahangirov dəvət edib. Nəticədə dekabrın 23-də 10 min manat həcmində “yardım”ı alarkən Baş Prokurorluq yanında Korrupsiyaya Qarşı Mübarizə İdarəsinin əməkdaşları tərəfindən həbs edilib.
“Qurd ürəyi” romanı bizim günlərdən bəhs edir və Azərbaycan həqiqətləri ilə bağlı kəskin siyasi tənqidlidir.
S.Şəkərli yazır ki, romanın bütün tirajı müsadirə edilib, trilogiyanın ikinci hissəsi “Qırmızı xətt” çap üzü görməyib. “Bu trilogiyanın üçüncü kitabını sağ qalsam türmə həyatına həsr edəcəyəm”, - yazıçı qeyd edib.
Saday Şəkərli 1959-cu ildə Cəlilabad rayonunun Bəçirəvan kəndində anadan olub. Ədəbi fəaliyyətə tələbəlik illərində başlayıb. “Məhəbbət ağacı” adlı ilk şerlər toplusu 1985-ci ildə nəşr edilib. O, “Gecədən çıxan kimi”, “Ölümdən qayıdan” və s. kitabların müəllifidir. –0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz