Gəncə Şəhər İcra Hakimiyyəti yanında Avtomobil Nəqliyyatı ilə Sərnişindaşıma İdarəsi yaradılıb.
Gəncə şəhər avtomobil nəqliyyatının tənzimlənməsinin yerli İcra Hakimiyyətinə həvalə edildiyi üçüncü yaşayış məntəqəsi oldu. Bundan öncə bu işlə Nəqliyyat Nazirliyi yanında Avtomobil Nəqliyyatı Dövlət Xidməti məşğul olub. Bundan öncə bu funksiya Sumqayıt və Bakı şəhər İcra hakimiyyətlərinə də verilib.
Hələlik nə Sumqayıt, nə də Bakı İcra hakimiyyətləri atılan addımlar barədə ictimaiyyətə məlumat verməyiblər. Sumqayıtda avtomobil nəqliyyatı özəl sahibkarların əlindədir. Bakıda onlarla hüquqi və fiziki şəxslə yanaşı avtobuslarda sərnişin daşınması ilə iki dövlət sərnişin daşıyıcısı məşğul olur. Onlardan biri (“Sərnişin və yükdaşımalarının təşkili” MMC) Nəqliyyat Nazirliyinin, digəri (“BakuBus” MMC) Bakı Şəhər İcra Hakimiyyətinin tabeliyindədir.
Azərbaycanda bələdiyyələr qanunvericilik qaydasında yerli idarəetmə üzrə xüsusi səlahiyyətlərə malik deyil. Ekspetlər onları yerli İcra Hakimiyyəti orqanlarına əlavə kimi qiymətləndirirlər.08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz