Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Azərbaycanda səfərdə olan ABŞ Simon Vizental Mərkəzinin rəhbərinin müavini ravvin Abraham Kuperi qəbul edib. Bu barədə Turan-a QMİ-dən bildirilib.
Görüşdə iki ölkə arasında ikitərəfli əlaqələr, dini tolerantlıq məsələləri, hazırda dünyada cərəyan edən hadisələr, təhlükəli tendensiyalar və onların fəsadlarının önlənməsilə bağlı fikir mübadiləsi aparılıb.
Şeyxülislam Azərbaycanda müxtəlif konfessiyaların və icmaların nümayəndələrinin əsrlər boyu dinc, yanaşı, heç bir vaxt ksenofobiya və dini zəmində münaqişə olmadan yaşadığını vurğulayıb. QMİ sədri ölkədə tolerantlığın yüksək səviyyədə olduğunu, dini abidələrin qorunduğunu söyləyib.
A.Paşazadə ABŞ Dövlət Departamentinin dinlə bağlı hesabatları hazırlanarkən Azərbaycanda müşahidə olunan həqiqətlər, dini icmaların real həyatlarının düzgün əks edilməsini irəli sürüb. O, belə hesabatların əks halda dindarlar aradında narazılığa səbəb olduğunu vurğulayıb.
A.Kuper təmsil etdiyi qurumun fəaliyyəti haqda QMİ sədrinə məlumat verib, Azərbaycana bu dəfəki səfərinin də əhəmiyyətli olacağını deyib. A.Kuper Azərbaycanda mövcud tolerantlıq mühitini yüksək qiymətləndirib.-05B-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz