Ruslan Gara.Twitter
Bakı/14.08.17/Turan: Avqustun 14-də vəkil Əsabəli Mustafayev ötən cümə inzibati qaydada həbs olunmuş Xalq Cəbhəsi Partiyasının (AXCP) Sumqayıt təşkilatının fəalı Ruslan Qara (Qarayev) ilə görüşüb.
Mustafayevin Turan-a verdiyi məlumata görə, onu bir saata yaxın polis binasının qarşısında saxladıqdan sonra Qaranın yanına buraxıblar. Eyni zamanda, o bildirib ki, əvvəlki hallardan fərqli olaraq, o, müvəkkili ilə görüş almaq üçün DİN-in "102" xidmətinə və ombudsman aparatına zəng etməli olmayıb.
Mustafayev digər fəalları kimi, Qaranın həbsinin də əsassız və siyasi motivli olduğunu bildirib.
"Guya Ruslan Qara evdən çıxıb və küçədə ünvansız söyüş söyüb. Həmin vaxt "təsadüfən" yoldan keçən mülki geyimli polis əməkdaşları ondan söyüş söyməməsini ələb ediblər, Qara isə onlara tabe olmaqdan imtina edib", deyə Mustafayev bildirib.
Onun sözlərinə görə, müdafiə tərəfi həbs qərarından şikayət vermək niyyətindədir. -05B06-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz