2.5 ayda iki önəmli cinayət- Hava qüvvələri komandanının qətli və Neft Akademiyasındakı qətliam.Ən yüksək səviyyədə verilən açıqlamaya baxın :”Başqa ölkələrdə də bu cür hadisələr baş verir; ölkədəki sabitliyi pozmaq istəyənlər buna nail ola bilməyəcəklər”
Anlamaq mümkün deyil-əksər vaxt “Başqa ölkələri öz daxili işlərinə qarışmaqda” ittiham edənlər indi hansı məntiqlə Qərbdəki universitet qətliamlarını müqayisəli təsəlli örnəyi kimi topluma təqdim edirlər? Axı Qərb ölkələrində baş verən qətliam hadisələri təhlükəsizliyə görə məsuliyyət daşıyanların vicdani mühasibəsini də toplumun mühakiməsinə təqdim edir-diqqət buyurun, oralarda baş verən hər qətliamdan sonra təhlükəsizlik üçün birinci dərəcədən məsul olan insanların bir qismi kresloları ilə vidalaşmalı olurlar.
Bəs “Dövlət məsuliyyəti və şəxsi vicdan mühasibəsi” deyilən bir məfhum ölkəmizin yaxınlığına nə vaxt gələcək? Ölkəni 10 il qorxu və dəhşət altında saxlayan Hacı Məmmədov bandasına qarşı başarılı əməliyyat ictimai vicdana müəyyən ümidlər “sunsa” da, məhkəmədə Məmmədovdan pullu şəxslərə qarşı təzyiq vasitəsi kimi istifadə edilməsi və başda daxili işlər naziri olmaqla heç bir yüksək vəzifəli şəxsin istefaya belə göndərilə bilməməsi bu istiqamətdə yana biləcək işıqları daha da qaraltdı.Bu necə dövlətdir ki, yüksək rütbəli polis məmuru 10 il fasilə vermədən 10-larla insanı qətlə yetirir, bunun üçün birinci dərəcədə məsuliyyət daşıyan nazir istefanı düşünmək yerinə TV-yə çıxıb keçmiş dövlət başçısını şantaj edir və “Hələ uzun illər bu vəzifədə işləyəcəm”-deyə bilir? 10 vətəndaşın bir araya gəlməsinin müşkül olduğu bir ölkədə Qüvvə komandanı bir generalin asanlıqla qətlə yetirilməsi necə mümkün olur? Bu necə sabitlik və təhlükəsizlik tədbirləridir ki, xüsusi şəkildə hazırlanmış tapança ilə bir qatil univeristeti qana boyaya bilir? Bunun üçün yenə də heç bir məsuliyyət daşıyan olmayacaqmı? Deyəsən,məmləkətin cinayət məcəlləsindəki maddələrin mahiyyəti də səhv-dəyişik yazılıb axı? Çünki jurnalisti “Terrorizmə dəstək verməkdə” suçlayan bir cinayət məcəlləsi generalın qətlə yetirilməsinə “Qəsdən adam öldürmək və qanunsuz silah gəzdirmək”dən cinayət işi qaldırır. Verilən məlumata görə Neft Akademiyası qətliamına da “Terror” maddəsindən cinayət işi qaldırılmayıb. Əgər belədirsə, onda məsuliyyət yenə də jurnalistlərin üzərinə düşəcək. Elə isə
“Bazarda soğanın qiymətinə də,
Bur bəhanə gərək, bir bais gərək.
Güllələyin şairləri-
Hamısına şairlər bais”
Məsuliyyəti jurnalist- yazarların,şairlərin boynuna qoyub “Sabitlik” nəğmələrinə davam....
2 may 2009
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz