Şahdağ Milli Parkında yanğın

Fövqəladə Hallar Nazirliyinin (FHN)  məlumatına görə, İsmayıllı rayonu, Tircan kəndində Şahdağ Milli Parkına məxsus dağlıq ərazidə quru ot, kol-kos və ağaclar yanır. Nazirliyin Dövlət Yanğından Mühafizə Xidmətinin texnika və canlı qüvvəsi və aviasiya dəstəsinin 2 helikopteri qeyd edilən yanğının söndürülməsinə cəlb olunub. Hazırda əməliyyat davam edir.

Öz növbəsində  Ekologiya və Təbii Sərvətlər Nazirliyi (ETSN) Şahdağ Milli Parkında baş verən yanğnla bağlı məlumat açıqlayıb.  

Qeyd olunub ki, hava şəraiti küləkli və isti olduğundan yanğın daha geniş ərazini əhatə edib.

Bu gün səhər saatlarında yanğın lokallaşdırılıb və tam söndürülməsi üçün FHN-in 2 helikopteri də yanğın ərazisinə cəlb olunub.

İlkin ehtimala görə,  yanğın meşədə moruq yığan vətəndaşların ehtiyatsızlığı səbəbindən baş verib. Yanğının səbəbkarlarının müəyyən edilməsi və məsuliyyətə cəlb edilməsi ilə bağlı Şahdağ Milli Parkı tərəfindən aidiyyəti üzrə hüquq-mühafizə orqanlarına müraciət hazırlanır.

Hazırda ərazidə yanğının tamam söndürülməsi və dəymiş ziyanın miqdarının müəyyən edilməsi ilə bağlı işlər aparılır.

ETSN meşə və yaşıllıqlarımızı qoruyub saxlamaq üçün əhalini bir daha odla ehtiyatlı olmağa, yanğın təhlükəsizliyi qaydalarına ciddi riayət etməyə və Azərbaycan xalqının milli sərvəti olan meşələri qorumağa çağırır.

Qeyd edək ki, Milli Elmlər Akademiyası Coğrafiya İnstitutu Qlobal iqlim dəyişikliyi ilə əlaqədar bu yay da Azərbaycan ərazisində quraqlıq gözlənildiyini bildirib. İyul və avqust aylarında isti küləklərin də intensivliyi artacaq ki, bu da quraqlığın daha kəskin xarakter almasına gətirib çıxaracaq.

Əsas quraqlıq dövrünün isə iyulun 20-dən avqustun 20-dək olan dövrə düşür.Yağıntıların miqdarı isə normadan az olmaqla, iqlim normasının 65-70 faizini təşkil edir. Bu səbəbdən  bu il bir neçə yanğın baş verib. Belə ki, iyulun axırında  Xızıdakı meşə yanğının söndürülməsindən qısa müddət keçməmiş Azərbaycanda ikinci yanağın başlayıb. Bu dəfə yanan ərazi Cəlilabadda olub.-16D-

Rəy yaz

Cəmiyyət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti