Sahibkar Dönməz Məmmədovun intihar cəhdinin qarşısı alınıb

Cümə günü sahibkar Dönməz Abdullayev intihara cəhd edib, lakin bunun qarşısı alınıb. O, Nəqliyyat Nazirliyinin yanındakı körpüyə çıxaraq özünü yandırmaq istəyib.

Fövqəladə Hallar Nazirliyinin  və Yasamal Rayon Polis İdarəsinin əməkdaşları danışıqlar vasitəsilə D.Abdullayevi körpüdən endirərək

aparıblar. Onun jurnalistlərlə söhbətinə belə imkan verilməyib.

Sahibkar intihara səbəb kimi sahibkarlıq fəaliyyətilə məşğul olmasına imkan verilməməsini göstərib. D.Abdullayev “Amal-D” MMC-nin rəhbəridir.

 D.Abdullayev həm də Qarabağ müharibəsi veteranıdır. Buna qədər də sahibkarlıq fəaliyyətinə basqılarla bağlı ölkə mətbuatına açıqlamalar verib. Bu təzyiqlərlə bağlı bütün instansiyalara teleqramlar vurub, amma sahibkarın sözü eşidilməyib. Təzyiqlərə cavab olaraq D.Abdullayev Gürcüstana keçərək orada aclıq aksiyası edib, geri çağırıblar.

 Ağır Cinayətlərə Dair İşlər Üzrə İstintaq İdarəsində ölümə təhdid və korrupsiya ilə bağlı 2 maddə ilə cinayət işi başlanılıb. Bu il yanvarın 2-də rəhbərlik etdiyi marşrut qərarla özünə qaytarılıb.

Ölkəyə qayıtdıqdan sonra onun şirkətinə məxsus Bakı-Saray-Sumqayıt xətti üzrə işləyən 501 nömrəli marşrut avtobusları Nəqliyyat Departamentinin cərimə meydançasından buraxılıb, sürücülər eyni xətt üzrə fəaliyyətlərinə davam ediblər.

Sahibkar ona təzyiq edənlərlə bağlı bunları deyib: “Sahibkar kimi bezar oldum. Bu qədər haqsızlıq olmaz. 1 ildir ki, işimi əlimdən almaq üçün başıma açmadıqları oyun qalmadı. Dövlət Avtomobil Nəqliyyatı Xidməti, 8 saylı Regional şöbəsi və bir keçmiş MTN-çi Vüqar məndən əl çəkmirlər. Mənim qanım bunların üzərindədir”, - o bildirib. 05D-