![Sahibkarlar Tağı Əhmədova qarşı kompromatlara malik olduqlarını dedilər](https://turan.az/resized/media/2012/main/111900018588-750-500-resize.webp)
Sahibkarlar Tağı Əhmədova qarşı kompromatlara malik olduqlarını dedilər
Bakı metropoliteninin “Koroflu” stansiyasındakı satış köşklərinin keçmiş sahiblərinin bir qrupu metropoliten rəhbərliyinin qanunsuz əməllərilə bağlı bazar ertəsi RATİ-də mətbuat konfransı keçiriblər.
Keçmiş köşk sahiblərindən Talıb Əhmədov bu ilin yayında yenidənqurma işlərilə bağlı stansiyadakı satış köşklərindən məhrum olduqlarını deyib. Yenidənqurma işləri bitəndən sonra isə metropoliten rəhbərliyi həmin köşkləri kənar adamlara satmağa başlayıb. Beləliklə, 40-a qədər sahibkar mağazalarını itirib. Köşklərin qiymətləri 12-20 min manat arasında dövr edir. Stansiyanın çıxış hissəsində eskalatora yaxın yerdə isə mağazaların qiyməti 70-80 min manatdır. Mağazalar formal olaraq metropoliten əməkdaşlarının adına rəsmiləşdirilir, əsl sahibkarlar isə kənarda qalır. Bu yolla mağazaların əsl sahiblərinin ödədikləri pulları mənimsəmək şəraiti yaranır. Mağazaları əsasən Zaur, Novruz adlı şəxslər və metropoliten rəisi Tağı Əhmədovun oğlu Rauf Əhmədov satır. Keçmiş sahibkarlar tələb edilən miqdarda pulları olmadığı üçün köşklərini ala bilmirlər. T.Əhmədov deyib ki, mağazaları satan şəxslər bu məsələdə dövlət başçısının xanımı Mehriban Əliyevanın adını da hallandırırlar.
Keçmiş sahibkarlar metropoliten rəhbərliyini maliyyə mənimsəmələrində də ittiham ediblər. Belə ki, köşklər nağd pula satılır, dövlət ödəmələri edilmir. Bundan əlavə, sahibkarlar köşklərə sahib olduqları neçə illər ərzində 300 manatdan 1200 manata kimi icarə haqlarını ödəyiblər, amma bu vəsaitlərdən dövlət rüsumları ödəndiyinə inanmadıqlarını deyiblər. Keçmiş sahibkarlar hüquq-mühafizə orqanlarına bu faktları araşdırmaq çağırışı ediblər.
İş yerlərini itirən bu şəxslər ağır maddi durum üzündən övladlarını məktəbdən, uşaq bağçalarından çıxarmağa məcbur qaldıqlarını deyiblər. Sahibkarlar yenidən mağazalarına sahib ola bilməsin deyə metropoliten rəhbərliyinin göstərişilə mağazaların önünə polislər qoyulub və keçmiş sahibkarları mağazalarına yaxın buraxmırlar.
Keçmiş sahibkarlar metropoliten rəhbərliyinə qarşı audio-video kompromatlara malik olduqlarını, tələbləri yerinə yetirilməsə, bu faktları ictimailəşdirəcəklərini deyiblər. Bu vəziyyətlə bağlı atacaqları addımlara gəlincə, keçmiş sahibkarlar aclıq aksiyasına başlayacaqlarını, məhkəmə perspektivinə baş vuracaqlarını və işi Avropa Məhkəməsinə kimi aparacaqlarını nəzərə çatdırıblar. -05C-
-
- Cəmiyyət
- 19 Noyabr 2012 15:57
-
- İqtisadiyyat
- 19 Noyabr 2012 16:14
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz