Bakı Ağır Cinayətlər Məhkəməsində Cavid Hüseynovun sədrliyi ilə NİDA hərəkatının 7 fəalının və “Azad gənclik” təşkilatının rəhbəri İlkin Rüstəmzadənin işi üzrə proses davam edib.
Vəkil Nemət Kərimli Turan-a bildirib ki, Bakı bulvarının mühafizə xidmətinin əməkdaşı Ramazan Mehdiyev ifadə edib. O 2013-cü il fevralın 27-də bulvarda “HarlameShake” rəqsinin ifası ilə epizod üzrə şahiddir.
Şahid deyib ki, gənclər heykəlin yanında çəkiliş aparanda onlara irad tutub. Onlara qarşı heç bir zorakılıq olmayıb, heç bir əmlaka ziyan dəyməyib.
Vəkil qeyd edib ki, ibtidai istintaqda həmin şahid deyib ki, ona qarşı qüvvə tətbiq ediblər. “Bu göstərir ki, şahid müstəntiqin ona verdiyi kağızı imzalayıb”, - vəkil deyib.
Sonra məhkəmə şahidlər Anar Abbasovun və Tofiq Əsədovun məcburi məhkəməyə gətirilməsi barədə qərar qəbul edib. Belə ki, onlar dəfələrlə çağırışa məhəl qoymayıblar. Proses fevralın 21-də davam edəcək.
Xatırladaq ki, gənclər 2013-cü il martın 10-da Fəvvarələr Meydanında etiraz aksiyası zamanı iğtişaşların planlaşdırılmasında ittiham olunurlar.—16B--
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz