![Şahidlər NİDA fəallarının işi üzrə prosesə gəlməkdən yayınır](https://turan.az/resized/750/500/resize/media/2014/main/040800074764.jpg)
Şahidlər NİDA fəallarının işi üzrə prosesə gəlməkdən yayınır
Aprelin 8-də Bakı Ağır Cinayətlər Məhkəməsində hakim Cavid Hüseynovun sədrliyi ilə NİDA fəallarının və Azad Gənclik Hərəkatı üzvünün cinayət işi üzrə məhkəmə prosesi davam etdirilib.
Vəkil Nemət Kərimlinin Turan-a verdiyi məlumatya görə bugünki prosesdə iş üzrə 2 şahid dindirilməli idi. Lakin hal şahidi barəsində məcburi gətirilmə haqqında qərar olsa da, bu günədək yerinə yetirlməyib.
Vəkil bildirib ki, bu hal şahidin harada və hansı işin sahibi olduğu məlum deyil.
Digər şahid isə təqsirləndirilən Şahin Novruzovun evində tapılmış 93 min manatın sahibi idi. O da xarici ölkədə olduğundan və yerinin müəyyənləşdirilməsi mümkün olmadığından müdafiə tərəfi bu şahidin dindirilməsindən imtina edib.
Daha sonra prosesdə sənədlərin elan olunmasına başlanılıb. Təqsirləndirilən şəxslərin mənzillərindən çıxan narkotik vasitələr və “Molotov kokteyl”ləri ilə bağlı ekspert rəyləri elan olunub.
Proses aprelin 10-da davam etdiriləcək.
İttiham aktına görə, gənclər martın 10-da Bakıda kütləvi aksiya zamanı “Molotov kokteyli”ndən istifadəyə hazırlaşıblar.
“Azad Gənclik” Təşkilatının sədri İlkin Rüstəmzadə mayın 17-də Baş Prokurorluğun Ağır Cinayətlərə Dair İşlər üzrə İstintaq İdarəsinin təqdimatı əsasında həbs olunub. Prokurorluq əvvəl ona xuliqanlıq ittihamı irəli sürüb. Sonra işə kütləvi iğtişaşları təşkil etmə və ya belə iğtişaşlarda iştirak etmə cəhdi ittihamı da əlavə olunub.
Gənclər ittihamları qəbul etmir. Həbslərinin siyasi sifarişli olduğunu deyirlər.
“Amnesty İnternational” beynəlxalq insan hüquqları təşkilatı onları vicdan məhbusu elan edib. -16D-
-
- Cəmiyyət
- 8 Aprel 2014 15:50
Cəmiyyət
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
-
Azərbaycanda ətraf mühitin təmizliyinə ümumxalq və dövlət qayğısının zəruriliyindən çox danışılır. Hətta Ekologiya və Təbii Sərvətlər Nazirliyi də var ki, bəzən təbiəti və yaşayış məntəqələrini çirkləndirənlərin cərimələndiyini bildirir. Lakin dövlət öz vəzifələrini yerinə yetirmir. Belə ki, məişət tullantılarının toplanması və utilizasiyası üçün yer yaratmır, üstəlik əhalinin tullantıları gözdən uzaq yerə atmasını qadağan edir və paradoksal vəziyyət yaranır. Sakinlər ətraf mühitin mühafizəsi haqqında qanuna məhəl qoymamağa məcbur olur, dövlət isə buna görə onları cəzalandıra bilmir. Nəticədə hər gün təbiət öldürülür.
-
İyulun 16-na keçən gecən Sərhəd Qoşunlarının “Horadiz” sərhəd dəstəsinin sərhədçiləri qaçaqmalçılıq yolu ilə Azərbaycana 17 kiloqram marixuana gətirməyə çalışan Qazax rayon sakini Kamil Rəsulovu saxlayıblar.
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
Rəy yaz