Yanvarın 22-də Nərimanov Rayon Məhkəməsində Azərbaycan Xalq Cəbhəsi Partiyası (AXCP) sədrinin müşaviri Məmməd İbrahimin cinayət işi üzrə məhkəmə prosesi keçirilib. Bu haqda Turan-a vəkil Yalçın İmanov bildirib.
Vəkil hakim Turqay Hüseynovun sədrliyi ilə keçirilən prosesdə şahidlərlə bağlı vəsatətlərlə çıxış etdiyini deyib. “Şahidlərdən Məhəmməd Qurbanov ümumiyyətlə prosesə gəlmir, Oruc Vəliyev isə yaddaş pozğunluğuna görə hadisələri təsvir etməyi bacarmadığını bildirir. “Biz M.Qurbanov hər hansı xəsarət almadığı üçün şahidlikdən çıxarılmasını, O.Vəliyevin isə yoxlanılması barədə vəsatətlər qaldırdıq, amma vəsatətlər hər hansı izah verilmədən qəbul edilmədi”, - Y.İmanov bildirib.
Hakim növbəti məhkəmə prosesini yanvarın 29-na təyin edib.
Qeyd edək ki, M.İbrahim ötən il AXCP-dən ayrılmış Mikayıl Quliyevin şikayəti ərizəsi əsasında başlanmış cinayət işi üzrə 2015-ci il sentyabrın 30-da həbs olunub. Ona qarşı Cinayət Məcəlləsinin 221.1-ci (xuliqanlıq) maddəsiylə ittiham irəli sürülüb. Hadisədən bir ay sonra daha iki nəfər - Oruc Vəliyev və Məhəmməd Qurbanov da şikayət verərək bildiriblər ki, insident zamanı Məmməd İbrahim onları da vurub. Bundan sonra M.İbrahimə qarşı irəli sürülən ittiham ağırlaşdırılaraq CM-nin 221.2.2-ci maddəsinə tövsif olunub-05B-.
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz