Taleh Bağırzadənin məhkəmə prosesi təxirə salınıb

“Müsəlman Birliyi” Hərəkatının sədri Taleh Bağırzadənin şikayəti üzrə keçirilməli olan məhkəmə prosesi təxirə salınıb. Bunu Turan-a vəkil Cavad Cavadov bildirib.

Vəkil buna səbəb kimi T.Bağırzadənin məhkəmə prosesinə gətririlməməsini göstərib. “Keçən dəfə hakim qərar verdi ki, T.Bağırzadə prosesə gətirılməlidir, amma bizdən asılı olmayan səbəbdən T.Bağırzadə gətirilməyib və hakim bunu araşdırır. Daha sonra məhkəmənin vaxtı müəyyən olacaq”, - C.Cavadov qeyd edib.

Məhkəmə T.Bağırzadənin Nəsimi Rayon Məhkəməsindən şikayətilə bağlıdır. Vəkil deyib ki, T.Bağırzadə ilə görüşünə imkan verilməməsi, “Həbs yerlərində saxlanılan şəxslərin hüquq və azadlıqlarının təmin edilməsi haqqında” qanunda nəzərdə tutulan hüquqlarının pozulması, Baş Mütəşəkkil Cinayətkarlıqla Mübarizə İdarəsinin (BMCMİ) Müvəqqəti Saxlanılma Təcridxanasında 24 saatdan artıq saxlanılması ilə bağlı məhkəmə nəzarəti qaydasında Nəsimi Rayon Məhkəməsinə müraciət edilb, işə hakim Babək Həsənovun sədrliyi ilə  baxılır.

T.Bağırzadə 2015-ci il noyabrın 26-da Nardaran qəsəbəsində polisin keçirdiyi əməliyyat zamanı tutulub. Onun barəsində dörd ay müddətinə həbs qətimkan tədbiri seçilib.-05B-