Şahin Mirzəyev Azərbaycanda nəşrlərinə görə təqibə məruz qalmayıb
Bakı/13.02.17/Tiran: "Tolışi Sədo" ("Talışın səsi") qəzetinin heç vaxt Şahin Mirzəyev adlı jurnalisti olmayıb. Bu barədə Turan-a "Tolışi sədo" qəzetinin baş redaktoru Hilal Məmmədov bildirib. O, Ermənistan KİV-lərinin məlumatına görə, Ermənistandan müvəqqəti sığınacaq almış Şahin Mirzəyev adlı insanı ümumiyyətlə tanımır.
Öz növbəsində, "Tolışin Sədo" ("Talışların səsi") qəzetinin baş redaktoru Rafiq Cəlilov Turan-ın müxbirinə bildirib ki, Şahin Mirzəli (Mirzəyev) 2015-ci ildə ictimai əsaslarla bu nəşrin müxbiri olub. Amma 2016-cı ildə o, "Tolışin Sədo" nəşrinə abunəlikdən imtina etdikdən sonra onunla əməkdaşlığa son verilib.
"Mən Respublika Talış Mədəniyyəti Mərkəzinin (RTMM) sədri kimi bildirirəm ki, RTMM-nin 2016-cı il 1 may tarixli iclasında Mirzəli RTMM-nin idarə heyətinin üzvü seçilib. Amma onun hansısa xarici dövlətdən sığınacaq almasının RTMM və qəzetimizlə heç bir əlaqəsi yoxdur", deyə Cəlilov bildirib.
Onun sözlərinə görə, bu, "sırf ailəvi məsələ ilə bağlıdır". "Onun həyat yoldaşı həkimlərin səriştəsizliyi nəticəsində ağır vəziyyətə düşüb və lazımi tibbi yardımla təmin olunmayıb. Nəticədə, onun ailəsi Gürcüstandan sığınacaq istəyib", deyə Cəlilov qeyd edib. Amma bunun RTMM ilə qətiyyən əlaqəsi yoxdur. "Bunu RTMM-nin Azərbaycan dövlətçiliyinə qarşı fəaliyyəti kimi təqdim etmək cəhdləri əsassızdır. Biz əsaslı olaraq sivil yollarla talışların hüquqları uğrunda mübarizə aparırıq və xarici dövlətlərin, hələ də ermənilərin köməyinə ehtiyacımız yoxdur", deyə Cəlilov bildirib.
Onun sözlərinə görə, Mirzəli heç vaxt "Tolışin sədo" qəzetində nəşrlərinə görə təqibə məruz qalmayıb.
Onun RTMM-dəki statusuna mərkəzin növbəti iclasında baxılacaq, deyə Cəlilov bildirib. –06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz