![Sakinlər kompensasiyanın azlığına etiraz olaraq yolu bağlayıblar](https://turan.az/resized/750/500/resize/media/2016/main/100700170892.jpg)
Sakinlər kompensasiyanın azlığına etiraz olaraq yolu bağlayıblar
Bakı “Avtovağzal”ı yaxınlığındakı “Motodrom” yaşayış massivinin sakinləri evlərinin sökülməsi müqabilində verilən kompensasiyanın az olmasına etiraz olaraq oktyabrın 7-də səhər saatlarında Bakı-Sumqayıt yolunu bağlayıblar. Yolda böyük tıxac yaranıb. Hadisə yerinə Binəqədi Rayon Icra Hakimiyyəti başçısının birinci müavini və polis gəlib. Danışıqlar nəticəsində sakinlər yolu açıblar. Hazırda Icra Hakimiyyətinin nümayəndələri ilə sakinlər danışıqlar aparır.
“Bakı Metropoliteni” Qapalı Səhmdar Cəmiyyəti metro tikintisilə bağlı ərazidəki yaşayış evlərinin sökülmasinə qərar verib. Sakinlər isə ödənilməsi nəzərdə tutulan kompensasiyaların azlığına etiraz edir: “Bizə hər kvadratmetrə görə 500-600 manat pul təklif edirlər. Bu isə olduqca azdır və bu pulla biz yeni ev ala bilmərik”, - sakinlərdən biri deyib.
“Bakı Metropoliteni” Qapalı Səhmdar Cəmiyyətinin mətbuat xidməti və ictimaiyyətlə əlaqələr şöbəsinin rəhbəri Nəsimi Paşayev Turan-a bildirib ki, metronun “Avtovağzal” stansiyasından Xocahəsən qəsəbəsində tikilməkdə olan yeni depoya tunel çəkilir. Qərara alınıb ki, tunelin üzərinə düşən 66 yaşayış evi köçürülsün. “Artıq evlərin köçürülməsi ilə bağlı müvafiq qurumlar qərar qəbul edib, evlərin qiymətləndirilməsi aparılıb. Bütün bu işləri müvafiq icra hakimiyyəti orqanları yerinə yetirirlər. Metropoliten qiymətləndirmə və köçürmə həyata keçirmir”, - o bildirib.
Qeyd edək ki, sözügedən zonadakı yaşayış evlərinin tikinti üçün icazəsi yoxdur və onlar özəlləşdirilməyib. -03B-
-
- Cəmiyyət
- 7 Oktyabr 2016 10:43
-
- İqtisadiyyat
- 7 Oktyabr 2016 11:13
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz