Salyan rayonunda 2010-cu il daşqınından ziyan çəkənlər hakimiyyətin vəd etdiyi yardımı ala bilmir. “Sonuncu dəfə FHN komissiyası bu ilin mart ayında 200 ev təsərrüfatına baxış keçirib və 150 evin sahibinə yardım etməyi vəd edib, amma heç nə edilməyib”, deyə yerli hüquq müdafiəçisi, “Demokratiya naminə” ictimai birliyinin rəhbəri Emil Məmmədov Turan agentliyinə bildirib.
Yerli hakimiyyət daşqının nəticələrinin aradan qaldırılmasında bu fasiləni rayon icra hakimiyyətində dəyişikliklərlə - fövqəladə hallar şöbələrinin ləğv edilməsi ilə izah edir. Lakin bu dəyişikliklər bir çox zərərçəkmişlərə yardım göstərilməməsinə, mənzillərinin bərpasına nail olmamalarına bəraət ola bilməz.
2010-2011-ci illərdə 200-ə yaxın ev tikilib, bu il isə cəmi 2 ev tikilir, yəni işlər demək olar ki, dayanıb.
“İnsanlar tez-tez soruşur: “Pullar haraya gedib?” və heç kim yarım milyard manatın haraya xərcləndiyini bilmir, çünki daşqın zonasında görülən işlərin həcmi çox kiçikdir”.
Hüquq müdafiəçisi həmçinin qeyd edib ki, iyulun 2-də Prezident Administrasiyasının ictimai-siyasi şöbəsinin müdiri Əli Həsənovun vətəndaş cəmiyyəti nümayəndələri ilə görüşündən sonra yerli hakimiyyət QHT-lərlə əlaqələri tamamilə kəsiblər.
Bu halda vətəndaş fəalları artmaqda olan sosial gərginliyin azaldılması üçün çox az şey edə bilər, deyə Məmmədov qeyd edib.
* 2010-cu ildə Kür çayının sahillərindən daşması nəticəsində 8 rayonda 100 min ha-dan çox torpaq sahəsi və 20 mindən çox ev su altında qalıb. 2 il ərzində hökumət daşqının nəticələrinin aradan qaldırılmasına təxminən 0,5 mlrd. manat ayırıb. Bu vəsait xərclənib, amma qarşıya qoyulmuş vəzifələr yerinə yetirilməyib. Təkcə Salyan rayonunda 500-ə yaxın ailənin yardıma ehtiyacı var.
Ekologiya sahəsində fəaliyyət göstərən təşkilatlar belə bir nəticəyə gəliblər ki, daşqın çayın su balansının dövlət tərəfindən yanlış idarə olunmasının nəticəsi olub.
“Kür” vətəndaş cəmiyyəti qərargahı daşqından sonra bir sıra QHT-lər və KİV tərəfindən yaradılıb. Qərargah çox sayda korrupsiya və vəsaitlərin məmurlar tərəfindən mənimsənilməsi faktları aşkar edib. Buna görə qərargah fəalları təqiblərə məruz qalıb və bu təqiblər davam edir. -0-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz