• contact.az Contact
  • Bakı
  • Sunny290 C
  • Çərşənbə, 17 İyul 2024
    • flag_EN
    • flag_RU

Son yenilənmə

(19 d. əvvəl)
Salyanda musiqi məktəbinin kollektivi yürüş edib
A- A A+
Turan İnformasiya Agentliyi
Turan İnformasiya Agentliyi

Salyanda musiqi məktəbinin kollektivi yürüş edib

Bu gün Q.Əsgərov adına Salyan musiqi məktəbinin 80 nəfərə yaxın müəllimi Salyan rayon İcra Hakimiyyəti binasına doğru yürüş edib. 

 
   Salyanda fəaliyyət göstərən Demokratiyaya Yardım İctimai Birliyin sədri Emil Məmmədov  Turana deyib ki, kollektiv məktəbin direktoru Paşa Nağıyevin Salyan rayon İcra Hakimiyyətinə çağırılaraq qarşısına təhsilə aid olmayan qeyri-qanuni  tələblər qoyulmasına etiraz etdiyini bildirir. Məktəb direktoru bu tələbləri yerinə yetirməkdən imtina etdiyi üçün işdən çıxması barədə ərizəsi alınıb. Buna etiraz edən Salyan musiqi məktəbinin kollektivi bu gün məktəbin pedoqoji şurasını çağırıb. Şuraya Salyan rayon İcra Hakimiyyətinin rəhbərlərini dəvət etsələr də gəlməyib. Bundan narazı qalan məktəbin müəllimləri icra hakimiyyətinin binasına yürüş ediblər.   
 
   İcra hakimiyyətində etirazçıların nümayəndələrini icra hakimiyyətinin birinci müavini E.Hüseynov və humanitar məsələlər üzrə müavin Rəşad Cəbrayılov qəbul edib. Onlar kollektivə  rayon rəhbərliyinin məktəb direktoru ilə işləmək istəmədiyini bildirib. Amma qərara alınıb ki, yanvarın 28-də Salyan rayon musiqi məktəbində kollektivlə rayon rəhbərliyinin görüşü keçirilsin.
 
   Öz növbəsində, musiqi məktəbinin direktoru Paşa Nağıyev Turana bildirib ki, səhhəti ilə bağlı vəzifəsindən çıxarılması ilə bağlı rayon icra hakimiyyətinə ərizə verib. 
 
   Salyan rayon icra hakimiyyəti başçısının müavini Rəşad Cəbrayılov Turana deyib ki, icra hakimiyyətindən musiqi məktəbinin direktoru qarşısına hər hansı qeyri-qanuni tələb qoymayıb. ”Onun fəaliyyəti bizi qane etmədiyinə görə barəsində müvafiq ölçü götürüləcək”, o qeyd edib. 

Rəy yaz

Cəmiyyət

Bizi sosial şəbəkələrdə izləyin

Xəbər lenti