Salyanda fəaliyyət göstərən “Demokratiyaya Yardım” İctimai Birliyinin rəhbəri Emil Məmmədov prezident İlham Əliyevə açıq məktubla müraciət edərək büdcədən dövlət satınalmaları üçün ayrılan vəsaitin istifadəsinin araşdırılmasından ötrü rayona komissiyanın göndərilməsini xahiş edib.
E.Məmmədov bu yaxınlarda prezidentin söylədiyi “korrupsiyaya və rüşvətxorluğa qarşı mübarizə ümumxalq işi olmalidir”, “vətəndaşlar neqativ hallara laqeyd qalmamalıdır” və bu barədə dövlət orqanlarını vaxtında məlumatdırmalıdır” kimi fikirləri ilə bağlı ona müraciət edib.
E.Məmmədovun məktubunda bildirilir ki, rayonda dövlət satınalmaları üzrə müqavilələr real tenderlər olmadan bağlanır, formal müsabiqələrdə Salyan rayon administrasiyasının rəhbəri Tahir Kərimov və Xüsusi Dövlət Mühafizə Xidmətinin rəisi, general Vaqif Axundov ilə əlaqəsi olan şirkətlər qalib olur.
Yalançı tenderler rayon administrasiyasının maliyyə şöbəsinin rəisi Mahir Kərimov tərəfindən saxtalaşdırılır.
E.Məmmədov prezidentdən xahiş edir ki, dövlət satınalmaları üçün ayrılan büdcə vəsaitindən istifadənin araşdırılması üçün rayona komissiya göndərilsin.
E.Məmmədov bundan əvvəl də rayon rəhbərliyi tərəfindən korrupsiya faktlarının olması barədə bəyanatlarla çıxış edib.
Lakin rayon administrasiyasının nümayəndələri bu faktları inkar ediblər.
XDMX-dən şərh almaq mümkün olmayıb.—06D—
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz