Rəsmi qəzetlər ilk səhifələrə dövlət başçısı İlham Əliyevin Dünya Azərbaycanlılarına təbrik məktubunun, bəzi şəxslərə general rütbələri verilməsi haqda sərəncamların mətnlərini, ATƏT-in Balkı ofisinin rəhbərini qəbul etməsi haqda xəbəri çıxarıblar.
“Azadlıq” qəzeti mülkiyyət haqsızlığına etiraz olaraq Qarabağ qazısının özünü yandırmasını manjetə çıxarıb. AXCP sədri Əli Kərimli bu fakta “Qarabağ qazısını özünü yandırmağa vadar edənlər bilirlər ki, İlham Əliyev sadə insanın yox, korrupsioner məmurun arxasında duracaq” bəyanatı səsləndirib.
Azərbaycanda prezident seçkilərini tənqidə məruz qoyduğuna görə rəsmi Bakı ATƏT/DTİHB-nin yekun rəyini “süngü” ilə qarşılayıb, müxalifətsə “rəy rəsmi olaraq ATƏT-in seçkilərin nəticəsini tanımaması deməkdir” bəyanatını səsləndirib.
Hüquq müdafiəçiləri saxlanılan şəxslərə işgəncə verilməsi faktlarına görə “bandotel” və MTN təcridxanasının “lider” olduqlarını iddia edirlər.
Ekspertlər Mərkəzi Bankin inflyasiya və manatın məzənnəsinin saxlanması ilə bağlı proqnozlarının özünü doğrultmayacağı xəbərdarlığı ediblər.
“Zerkalo” Türkiyədəki hadisələrə önəm verərək “üzücü və mövqe “döyüş”lərinin başlaması”nı iddia edir.
“Ekspress” ABŞ Dövlət Departamentinin QHT rəhbəri Anar Məmmədlini həbsdən azad etməyə çağrışını rəsmi Bakının “şantaj” adlandırmasını önə çəkir.
Qəzetin yazdığına görə, 2013-cü ildə Azərbaycan 1 milyard 257 milyon manatlıq silah və hərbi texnika alıb.
“Novoe Vremya” ölkədə məhkəmələrin müstəqil olmamasına “siyasətin qanun üzərində üstünlüyü – Azərbaycan ədalət məhkəməsinin prinsipləri belədir” şərhini verir.
“Bizim yol” yazır ki, dövlət başçısı İlham Əliyev şəxsi mühafizə xidmətinin rəhbəri Bəylər Əyyubova general-polkovnik rütbəsi verilməsi haqda sərəncam imzalayıb.
Rəsmi Tehran rəsmi sərhəd memorandumu imzalanana qədər Culfa körpüsünün bağlı qalacağı bəyanatı səsləndirib.
“Yeni Müsavat” dövlət başçısının şəxsi mühafizə xidmətinin rəhbəri Bəylər Əyyübovun həbsdə olan qohumlarının həbsə etirazlarını “iqtidara üsyan püskürməsi” kimi dəyərləndirərək ilk səhifəyə çıxarıb.
Bakı metrpoliteninin rəhbərliyinin 1 sərnişin daşınmasının maya dəyərinin 1 manat olması iddiasına ekspertlər bu dəyərin 1 manat yox, 33 qəpik olduğunu bildirir, hər il qazandığı 148 miylon manat mənbələrini açmağa çağırır.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz