Türkiyədə yeni Nazirlər Kabineti formalşdırılıb

Dekabrın 26-da gecə saatlarında Türkiyə Nazirlər Kabineti yenidən formalaşdırılıb. Bu haqda xəbəri “haber.com” internet saytı yayıb.

Kabinetin yenidən formalaşdırılmasına səbəb dekabrın 17-də keçirilən “korrupsiya və rüşvət əməliyyatı”nda 4 nazirin və iki nazir oğlunun adının keçməsi olub. 

Kabinetdə 10 nazir yerini itirib və dəyişdirilib. Baş nazir Ərdoğan nazirlərin bir qisminin vəzifəsini adı çəkilən əməliyyatın nəticəsi olaraq itirdiyini etiraf edib.

Dəyişikliklər aşağıdakı kimidir:

Baş nazirin müavini - Əmrullah İşlər (Bəkir Bozdağın yerinə)

Ədliyyə naziri- Bəkir Bozdağ (Sədullah Ergünün yerinə) 

Ailə və sosial siyasət naziri- Ayşemir İslam (Fatma Şahinin yerinə) 

Avropa Birliyi naziri- Mövlud Çavuşoğlu (Egemen Bağışın yerinə)  

Elm, sənaye və texnologiya naziri- Fikri İşıq (Nihat Ergünün yerinə)

Ekologiya və şəhərsalma naziri- İdris Gülülcə (Ərdoğan Bayarqdarın yerinə) 

İqtisadiyyat naziri- Nihat Zeybekçi (Zəfər Çağlayanın yerinə)

Gənclər və idman naziri- Akif Çağatay Kılıç (Suat Kılıç yerinə)

Daxili işlər naziri- Efkan Ala (Müəmmər Gülərin yerinə)

Nəqliyyat, dənizçilik və xəbərləşmə naziri- Lütfi Əlvan (Binal İldırımın yerinə) -05D-