Sankt-Peterburqda əsasən azərbaycanlılardan ibarət cinayətkar qrupun dörd üzvü barəsində hökm verilib. RF İstintaq Komitəsinin şəhər idarəsinin yaydığı məlumata görə, qrup üzvləri Ağdam sakinləri idi.
Ədalət Əmrahov 24 il, Xaqani Kərimov 22 il, Samir Məmmədov və Andrey Putiyenko isə 21 il həbs cəzası alıb. Müttəhimlər qətllərdə, talanlarda, soyğunlarda, əmlakı qəsdən məhv etməkdə və banditizmdə təqsirli biliniblər.
Bir müddət əvvəl banda üzvü Elnur Qafarov istintaqla işbirliyinə razılaşıb və 9,5 həbs cəzası alıb.
Bandanın 2003-2009-cu illərdə fəaliyyət göstərdiyi müəyyən olunub. Cinayətkarlar Peterburqun müxtəlif bazarlarında ticarətlə məşğul olan azərbaycanlılara nəzarət etməyə çalışırdılar. Rəsmi məlumatlara görə, banda üzvlər beş nəfəri qətlə yetiriblər. Müstəntiqlər xaricdə gizlənən “Ağdam” sahibi Murad Məmmədovu bandanın lideri hesab edirlər.
İstintaqın versiyasına görə, Məmmədov bandaya demək olar ki, yalnız əslən Azərbaycanın Ağdam rayonundan olanları seçirdi və onlar arasında ciddi nizam-intizam yaradırdı. Cinayətkarların toplantı nöqtələri restoran idi.
Bandanın ən böyük rezonans doğuran cinayəti tibb universitetinin tələbəsi Rumiyə Kərimovanın qətli olub. 8 aprel 2009-cu ildə qız ali məktəbə gedərkən oğurlanıb, şəhər kənarına aparılıb və güllələnib. Tezliklə Qafarov və Samir Məmmədov qətldə şübhəli şəxs qismində saxlanılıblar. Onlar qızın əxlaq qaydalarına zidd həyat tərzi olduğu üçün qətli onun atası Qafar Kərimovun sifariş etdiyini bildiriblər. Ata saxlanılıb, lakin ekspertiza qızın bakirə olduğunu və “namus qətli” üçün heç bir əsas olmadığını göstərib. Bundan sonra ata sərbəst buraxılıb.
Sonradan müstəntiqlər müəyyən ediblər ki, cinayətkarlar dəstəsi Kərimovun biznesini nəzarət altına almaq istəyiblər, lakin o, fəal şəkildə müqavimət göstərib. Buna cavab olaraq əvvəlcə onun avtomobilini yandırıblar, sonradan qızını öldürüblər və özünü bunda ittiham ediblər.
İstintaq zamanı Kərimovanın qətlindən bir neçə gün sonra bandanın qətlin bilavasitə icraçısı Qədir Süleymanovu aradan qaldırdığını müəyyən edib. -02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz