![Sankt-Peterburqda Azərbaycan vətəndaşları saxlanılıb](https://turan.az/resized/media/2013/main/020900027804-750-500-resize.webp)
Sankt-Peterburqda Azərbaycan vətəndaşları saxlanılıb
Dünən Rusiyanın Sankt-Peterburq şəhərində xüsusi istintaq bürosu tərəfindən ekstremizmin qarşısının alınması tədbirləri nəticəsində 300 nəfər saxlanılıb.
“Rosbalt”ın məlumatına görə, saxlanılan 271 nəfərin arasında Azərbaycan, Özbəkistan, Tacikistan, Misir və Əfqanıstan vətəndaşları da var. Onlardan 10 nəfərinin üzərində saxta sənəd tapılıb, 20 nəfərin hər hansı sənədi olmayıb. Bundan əlavə, 6 nəfərin barəsində Rusiyadan deportasiya olunmaq qərarı var.
Həmçinin digər şəxslərin barəsində inzibati qaydada məsuliyyətə cəlb olunma məsələsinə baxılır. Hazırda cinayət işi üzrə istintaq davam edir.
Qeyd edək ki, Rusiyanın xüsusi istintaq bürosu ekstremizm və terrorçuluğun qarşısının alması istiqamətində əməliyyat keçirir. Saxlanılanlar terror fəaliyyətinin həyata keçirilməsinə açıq çağırışlar və ya terrorçuluğa açıq bəraət qazandırmaqda, düşmənçilik yaratmaq və insan şəxsiyyətinin alçaldılmasında ittiham olunurlar. Həmçinin onlardan qadağan olunmuş kitablar, silah və narkotik maddə aşkar edilib.
Azərbaycanın Sankt-Peterburqdakı Baş Konsulluğu və Moskvadakı səfirliyi hələlik baş verənləri şərh etmirlər.-16D-
-
- Siyasət
- 9 Fevral 2013 12:58
-
- Sual-cavab
- 9 Fevral 2013 13:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz