Tofiq Yaqublu Mardun Qumaşyan haqqında mifi ifşa etdiyinə görə həbs edilib

“Yeni Müsavat” qəzetinin şərhçisi Tofiq Yaqublu ittihamların heç bir bəndi üzrə günahkar deyil”, - qəzetin  redaktoru Rauf Arifoğlu “Obyektiv”TV-yə müsahibəsində deyib. 

Onun sözlərinə görə, T.Yaqublu İsmayıllıda iğtişaşlar başlayandan, polis kordonu yeridildikdən 10 saat sonra ora gedib. O və Anar adlı operator şəxsiyyət vəsiqəsini təqdim edərək polisin əhatəsindən keçiblər, lakin tezliklə onları saxlayıblar. Bundan sonra qəzetin redaktoru rayon polis rəhbərliyi ilə əlaqə saxladıqdan sonra onları buraxıblar.

İki gündən sonra (4 fevral) T.Yaqublu REAL hərəkatının lideri İlqar Məmmədovla birlikdə həbs olunublar. Onlar ictimai asayişin pozulmasında və hakimiyyət nümayəndəsinə müqavimət göstərməkdə ittiham olunublar.  T.Yaqublunun polislə söhbətinin videoyazısında, saxlanma anı da daxil olmaqla, heç mübahisə də etməyib, halbuki, narazılıq edərək  polisin onun xidməti ezamiyyətinə mane olduğunu bildirə bilərdi.  

Redaktor hakimiyyətin bu cür amansızlığını onunla izah edir ki, T.Yaqublu yeganə reportyordur ki, Gürcüstanın Şulaver kəndinə gedərək Mardun Qumaşyandan müsahibə götürüb. Belə ki, Azərbaycan hakimiyyəti onu 2009-cu il aprelin 30-da Neft Akademiyasında terrorun təşkilində ittiham edib.

Çörəkçi M.Qumaşyanın evində olan reportyor “Azərbaycan hakimiyyəti tərəfindən axtarışda olan terrorçu”nun həyat tərzini təsvir edib və belə nəticəyə gəlib ki, o, normal zəhmətkeş adamdır və heç kim onu axtarmır.  İnterpoldan T.Yaqublunun sorğusuna cavab olaraq bildiriblər ki, onların kartotekasında adı çəkilən “terrorçu” yoxdur. 

Redaktor hesab edir ki, prokurorluğun T.Yaqubluya məhz buna görə qəzəbi tutub ki, o, istintaqın bu mifini ifşa edib.  

“Bir neçə gündür ki, baş prokurorun qəbuluna düşməyə çalışıram ki, istintaq çərçivəsində T.Yaqubluya qarşı həbs qətimkan tədbirini dəyişsinlər. Bu ailənin iki üzvü müxtəlif maddələrlə istintaq altındadır və bu da əsassız qisas kimi qiymətləndirilir”, - redaktor bildirib.

Redaksiya müvafiq xahişlərlə Mətbuat Şurasına, prokurorluğa, dövlət başçısının Administrasiyasına müraciət edib, lakin faydası olmayıb.

Seçkilərə yarım il qalmış artıq “Yeni Müsavat” və “Azadlıq” qəzetlərinin aparıcı əməkdaşları prokurorluğa çağırılır, onlara siyasi rəhbərliklə bağlı kəskin materialların, rəylərin yolverilməz olması barədə xəbərdarlıqlar olunur.  

İndiki seçkilər daha da “maraqlı” olacaq. İlk dəfə olaraq kütləvi narazılıqların aparıcı partiyalar tərəfindən təhrik edilmədən spontan baş verməsi tendensiyası müşahidə olunur. Cəmiyyət məlum təbəqələşmədən, “harınlamış” məmurlardan narazıdır. Hakimiyyət idarəetmə metodunu dəyişməlidir, əks halda daha ağır nəticələri müşahidə etməli olacağıq”, - R.Arifoğlu hesab edir. -17D—