Bakı/31.05.19/Turan: "Günün səsi" (Gununsesi.info) portalının rəhbəri, keçmiş "vicdan məhbusu" Pərviz Həşimli saytın açılmasına və onun xaricə çıxmasına qoyulmuş qadağanın ləğvinə yardım etmək çağırışı ilə baş prokurora müraciət edib.
Sayt Azərbaycanda 2018-ci ilin iyulunda Gəncədə baş verilmiş hadisələrdən sonra bu mövzuda nəşrlərlə əlaqədar bloklanıb. Bundan başqa, Həşimlinin özünün ölkədən çıxışına qadağa qoyulub.
Həşimli mayın 24-də baş prokurorun Gəncəyə səfəri zamanı onunla görüşməyə çalışıb. Amma jurnalisti Qaralovun yanına buraxmayıblar, baxmayaraq ki, o, əvvəlcədən qəbula yazılmışdı.
Həşimli qeyd edir ki, onun saytı Gəncə hadisələri haqqında materialları "KİV haqqında" qanunun tələblərinə uyğun şəkildə dərc edirdi. Bu zaman rəsmi məlumatlara daha çox yer ayrılırdı.
Həşimli özü bir neçə jurnalistlə birlikdə Bakı Prokurorluğunda dindirilib, bundan sonra onun xarici səfərlərinə qadağa qoyulub.
Rabitə Nazirliyindən və baş internet tədarükçüsü operatoru Delta Telekom-dan verilən cavablara görə, onlar saytı bloklamayıblar. -06B-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz