![Demokratik Qüvvələrin Milli Şurası Babək Həsənova və Əhsən Nuruzadəyə qarşı təzyiqi pisləyir](https://turan.az/resized/media/2019/main/053100019364-750-500-resize.webp)
Demokratik Qüvvələrin Milli Şurası Babək Həsənova və Əhsən Nuruzadəyə qarşı təzyiqi pisləyir
Bakı/31.05.19/Turan: Son günlər 6 saylı cəzaçəkmə müəssisəsində siyasi məhbuslardan biri, AXCP funksioneri, Qarabağ müharibəsinin iştirakçısı Babək Həsənova qarşı amansız rəftar haqqında məlumatlar daxil olub. Hakimiyyət müxalif hərəkatdan olan yoldaşlarını dəstəkləyənləri cəzalandırmaq və sındırmaq üçün repressiv tədbirlərə əl atır. İşgəncə, döymə və mənəvi terror hakimiyyətin fərqli düşünənlərə qarşı adi vasitəsidir və Babək Həsənovun işi bunun parlaq nümunəsidir. Bu barədə Demokratik Qüvvələrin Milli Şurasının bəyanatında bildirilir.
Bununla kifayətlənməyən cəzaçəkmə müəssisəsi rəhbərliyi Babək Həsənovla ünsiyyətdə olan məhbusları da cəzalandırmağa başlayıb. Belə ki, onun digər məhbuslarla ünsiyyətdə olması qadağan edilib.
Digər siyasi məhbus - eyni cəzaçəkmə müəssisəsində saxlanılan Əhsən Nuruzadə bu əmrə tabe olmadığına və Babək Həsənovla ünsiyyət saxladığına görə karserə salınıb.
Milli Şra siyasi məhbuslara qarşı belə antihumanist addımları kəskin şəkildə pisləyir və hakimiyyətdən onlara son qoymağı tələb edir.
"Bütün bunlar hökumətin demorkatik düşərgəyə hədsin nifrətinin göstəricisidir. Hakimiyyət başa düşməlidir ki, belə addımlar ölkədə gərginliyi artırır.
Milli Şura siyasi məhbuslara qarşı təzyiqə dərhal son qoymağı və Əhsən Nuruzadənin cəzasını ləğv etməyi tələb edir.
Milli Şura beynəlxalq ictimaiyyəti israrla Babək Həsənova və Əhsən Nuruzadəyə və Azərbaycandakı digər siyasi məhbuslara təzyiq faktlarına reaksiya verməyə çağırır", deyə bəyanatda qeyd edilir. -02D-
-
- Siyasət
- 31 May 2019 17:39
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz