Səhiyyə Nazirliyi “həssas” əhali qruplarını qızılcaya qarşı peyvənd olunmağa çağırıb
Bakı/10.01.24/Turan: Qızılca xəstəliyinin yayılması ilə əlaqədar Azərbaycan Səhiyyə Nazirliyi "həssas" əhali qruplarını vaksinasiyaya çağırıb. Epidemioloji vəziyyətin təhlili göstərir ki, kiçik yaşlı uşaqlarla yanaşı, 10 yaşdan yuxarı uşaqlar və böyüklər arasında da yoluxma halları müşahidə olunur, məlumatda deyilir.
Yoluxanların demək olar ki, hamısı heç vaxt qızılca xəstəliyinə tutulmayan və ya bu xəstəliyə qarşı peyvənd olunmayan adamlardır. Səhiyyə Nazirliyi 10 yaşınadək uşaqların və 11-40 yaş arası həssas əhali qruplarının peyvənd edilməsinin vacibliyini nəzərə alaraq peyvəndləri alıb ölkəyə çatdırılmasını təşkil edib.
Nazirlik qızılcadan qorunmanın ən təsirli yolunun peyvənd olduğunu nəzərə alaraq, həssas əhali qruplarını vaksinasiyaya çağırıb.
Vətəndaşlar yaşayış yeri üzrə uşaqlara və böyüklərə ambulator yardım göstərən tibb müəssisələrinə müraciət edə bilərlər. —16B06-
Cəmiyyət
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
Rəy yaz