Məhəmməd Hüseyn xan Müştaqın dəfn olunduğu Şəki Xan məscidi qəbiristanlığı
Şəki xanının cənazəsi gizli şəraitdə təkrar dəfn edilib
Bakı/24.07.23/Turan: XVIII əsrdə Şəki xanlığının hökmdarlarından biri olan Məhəmmədhüseyn xanın qalıqları iyulun 22-də Şəkidəki xan qəbiristanlığında yenidən dəfn edilib. Bu barədə Turan-a tədqiqatçı- tarixçi, jurnalist Aydın Məmmədov bildirib.
O, xanın qəbrinin yeri barədə şəxsən özü aidiyyəti qurumun nümayəndəsinə məlumat vermişdir. Bundan sonra isə həmin yerdə arxeoloji qazıntılar aparılmış və 3 iyul 2021-ci il tarixdə orada Məhəmmədhüseyn xanın qalıqları aşkar olunmuşdur.
"O zaman cəsədin qalıqları çıxarıldı və bildirildi ki, təntənəli şəraitdə yenidən dəfn ediləcək. İki ildir ki, harada saxlanıldığı məlum deyildi, nəhayət, iyulun 22-də səhər saat doqquzda onu Xan qəbiristanlığında yenidən dəfn ediblər. Eyni zamanda, dəfndə cəmi 10 nəfər – Xan məscidinin imamı və onun köməkçisi, Cümə məscidindən üç din xadimi və digərləri iştirak edib. Rayon və respublika rəsmilərindən heç biri iştirak etməyib. Qəbir gecə qazılıb, dəfn faktiki olaraq gizli şəkildə keçirilib. Çəkiliş aparılmayıb. Şəkixanovlar sülaləsinin nümayəndələri bu hadisəni çox gözləyirdilər. Lakin onları heç kim xəbərdar etməyib və təkrar dəfn mərasiminə dəvət etməyib", - Məmmədov deyib.
Onun sözlərinə görə, məzarın üstünə dəfn olunanın şəxsiyyətini göstərən qəbir daşı belə qoyulmayıb.
"Dedilər ki, sonradan abidə qoyacaqlar. Ancaq iki il ərzində abidəni əvvəlcədən hazırlamaq mümkün idi", - araşdırmaçı qeyd edib.
O, Şəki xanının sümüklərinn bu formada yenidən dəfn edilməsini Şəki xanları sülaləsinin xatirəsinə, diyarın tarixinə və bütövlükdə Azərbaycana hörmətsizlik hesab edir. 06B
-
- Siyasət
- 24 İyul 2023 17:17
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz