Məhkəmə Qubad İbadoğlunu 4 ay müddətinə həbs edib /YENİLƏNİB/

Bakı/24.07.23/Turan: Bu gün Nərimanov Rayon Məhkəməsi müxalifətyönlü siyasətçi, Azərbaycan Demokratiya və Rifah Partiyasının rəhbəri Qubad İbadoğlunun barəsində 3 ay 26 gün müddətinə həbs qətimkan tədbiri seçib.

Bu barədə jurnalistlərə vəkil Zibeyd Sadıqova bildirib.

Onun sözlərinə görə, Qubad İbadoğlu özünü günahkar saymır. Müdafiə tərəfi məhkəmənin həbs qərarından apellyasiya şikayəti verəcək. 0

*   *   *

2023 İyul 24 (Bazar ertəsi) 15:27:22

İstintaq Qubad İbadoğluna qarşı ittihamı ağırlaşdırıb

Bakı/24.07.23/Turan: İstintaq müxalifətyönlü siyasətçi Qubad İbadoğluna qarşı Azərbaycan Cinayət Məcəlləsinin 204.1-ci (satış məqsədilə istehsal, habelə saxta pul və ya xarici valyutanın alınması və ya satılması) maddəsilə irəli sürülmüş ittihamı 204.3.1-ci maddəyə (eyni hərəkətlər mütəşəkkil qrup tərəfindən törədildikdə) tövsif edərək ağırlaşdırıb.

İstintaq orqanı İbadoğlunun barəsində həbs qətimkan tədbirinin seçilməsi üçün Nərimanov Rayon Məhkəməsinə təqdimat verib, vəkil Zibeyd Sadıqova bildirib.

Yaxın saatlarda məhkəmə təqdimata baxacaq.

Əgər 204.1–ci maddə üzrə İbadoğlunu 5 ildən 7 ilədək azadlıqdan məhrum olunma təhlükəsi gözləyirdisə, 204.3.1-ci maddə üzrə 8 ildən 12 ilədək azadlıqdan məhrum olunma təhlükəsi gözləyir.

Qubad İbadoğlu iyulun 23-də günorta saxlanılıb. Dünən gecə Azərbaycan Cinayət Məcəlləsinin 204.1-ci maddəsilə (satış məqsədilə saxta pul, qiymətli dövlət kağızları və ya xarici valyuta, yaxud xarici valyutada ifadə olunan qiymətli kağızları hazırlama, habelə əldə etmə və ya satma) cəlb edilib.

Ötən ay İbadoğlu Milli Şuranın rəhbəri, professor Cəmil Həsənli və Avropada siyasi mühacirətdə olan diplomat Arif Məmmədovla birlikdə Azərbaycan gənclərinin təhsil fondunun yaradıldığını bildirib. Fond Londonda qeydiyyatdan keçib.

O, xaricdəki azərbaycanlı məmurların əmlakının müsadirə edilməsi və həmin vəsaitlərin bu fonda köçürülməsi təşəbbüsü ilə çıxış edib. 06B