Bakı/14.07.19/Turan: Şəkidə küləyin böyük çinar ağacının budağını qoparması nəticəsində xəsarət alan 19 nəfərdən 4-nün vəziyyəti ağır kimi xarakterizə olunur, Səhiyyə Nazirliyinin mətbuat xidmətindən bildiriblər.
19 zərərçəkəndən 7-i əcnəbi turistdir, o cümlədən ikisi RF vətəndaşıdır - Sevinc Soltanova (1940-cı ildə anadan olub), Laçın Soltanova (2004-cü il).
Beş nəfər Suriya vətəndaşı xəsarət alıb. Sara Həsən (1998-ci ildə anadan olub) qapalı bud travması alıb.
Digər zərərçəkənlər, o cümlədən üç ağır yaralı Azərbaycan vətəndaşlarıdır.
Elxan Məmmədov (1993-cü il) qapalı onurğa travması, İlkin Məmmədov (1995-ci il) ağır kəllə-beyin travması, sağ ayaq sınığı, Xatirə Ağamalıyeva sağ dizində çoxqəlpəli sınıq alıb, travmatik şok keçirib. -06B--
* * *
2019 İyul 14 (Bazar) 16:29:43
Şəkiyə sanaviasiya vertolyotu göndərilib
Şəki/14.07.19/Turan: Xəsarət alanlardan birinin təcili Bakıya ixtisaslaşdırılmış müalicə müəssisəsinə göndərilməsi lazım gəlib. Bundan ötrü Şəkiyə sanaviasiya vertolyotu çağırılıb. Bu barədə Turan-a xəstəxananın baş həkimi bildirib.
* * *
2019 İyul 14 (Bazar) 14:06:31
Şəkidə 16 zərərçəkən xəstəxanaya yerləşdirilib
Şəki/14.07.19/Turan: Şəki Mərkəzi Rayon Xəstəxanasına 16 zərərçəkən yerləşdirilib. Onlardan üçünün vəziyyəti ağır dəyərləndirilir. Bu barədə xəstəxanadakı mənbə bildirib.
Hələlik tibb işçiləri və hüquq-mühafizə orqanları zərərçəkənlərin şəxsiyyəti barədə şərh və ya informasiya vermirlər.
Polis xəstəxanada jurnalistlərin işinə maneçilik törədir.0
***
Şəki/14.07.19/Turan: İlkin məlumatlara görə, Şəkidə Xan Sarayının yaxınlığında küləyin böyük köhnə ağacın budağını qoparması nəticəsində 19 nəfər xəsarət alıb.
İnsident bazar günü baş verib. Tarixi məkan olan Şəki Xan Sarayı bir həftə öncə YUNESKO-nun Ümumdünya İrs Siyahısına daxil edilib. Bu tarixi abidənin ətrafı hər zaman sıxlıq olur.
Şəkidə gülcü külək bəzi yerlərdə ağacları qoparıb. Külək Xan Sarayının yaxınlığında köhnə ağacın böyük budağını qoparıb.
İlkin məıumatlara görə, 19 nəfər, o cümlədən Azərbaycanın digər bölgələrindən turistlər, həmçinin ərəb ölkələrindən gələnlər xəsarət alıblar.
Zərərçəkənlər yerli xəstəxanaya aparılıb.
Polis hadisə yerini əhatəyə alıb.-06D--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz