Sentyabrın 18-də Şirvan Apellyasiya Məhkəməsində hüquq müdafiəçisi Taleh Xasməmmədovun apellyasiya şikayətinə baxılacaq. Bu barədə Turan-a “Siyasi məhbuslarsız Azərbaycan” QHT-nin həmtəsisçisi Oqtay Gülalıyev məlumat verib.
O qeyd edib ki, T.Xasməmmədov öz hüquq müdafiə fəaliyyətinə və yerli polis əməkdaşlarının qanunazidd əməllərini ifşa etdiyinə görə uydurma ittihamla həbs olunub. O 2011-ci ilin noyabrında həbs edilib və bu il aprelin 20-də Göyçay Rayon Məhkəməsinin qərarı ilə 221.3 (xuliqanlıq) və 315.1-ci (polisə müqavimət göstərmə) maddələrlə 4 il müddətinə azadlıqdan məhrum olunub.
T.Xasməmmədov hesab edir ki, Ucar rayon polis şöbəsinin rəisi Tahir Quliyev, onun müavini İlham Əhmədov və rayon hakimi Çingiz İsgəndərov ona qarşı ittihamı saxtalaşdırıblar.
Onun fikrincə, bunun səbəbi yerli polisin narkobiznes və insan alveri ilə məşğul olan cinayətkar qrupla əlaqələri haqqında nəşrləri ilə əlaqədar saxta ittihamla həbs olunmuş jurnalist Fuad Hüseynovun hüquqlarını müdafiə etməsi olub. –06B--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz