Fövqəladə Hallar Nazirliyi (FHN) və Baş Prokurorluğun mətbuat xidmətlərindən AzərTAc-a daxil olan birgə məlumatda bildirilir ki, sentyabrın 17-də saat 17:00 radələrində Sumqayıt şəhərində yerləşən “Məişət malları” Açıq Səhmdar Cəmiyyətinin ərazisində 6 ədəd yanacaq çənində partlayışa keçən yanğın baş verib. Partlayış nəticəsində alov ətrafa yayılmağa başlayıb.
Dərhal hadisə yerinə Fövqəladə Hallar, Daxili İşlər nazirliklərinin və Sumqayıt Şəhər Prokurorluğunun əməkdaşları, həmçinin FHN-in maşın, mexanizm və helikopterləri gəlib. Yanğın hadisəsinin qarşısının alınması, hadisə nəticəsində xəsarət alan şəxslərə təcili tibbi yardımın göstərilməsi və digər təxirəsalınmaz tədbirlər həyata keçirilib.
Fakt üzrə Sumqayıt Şəhər Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma) və 225.2-ci (yanğın təhlükəsizliyi qaydalarının pozulması) maddələri ilə cinayət işi başlanıb.
İlkin araşdırmalarla müəyyən olunub ki, ASC-nin ərazisində yerləşən yanacaq çənlərində aparılan qaynaq işləri zamanı yanğın təhlükəsizliyi və əmək mühafizəsi qaydalarının pozulmasına yol verilib. Hadisə nəticəsində 2 nəfər ölüb, bir nəfər itkin düşüb, 2 nəfər isə müxtəlif dərəcəli bədən xəsarətləri alıb.
Ölən və xəsarət alanların şəxsiyyətləri dəqiqləşdirilir.
Yanğının qarşısının alınması üçün intensiv tədbirlər görülüb.
Araşdırmaların nəticəsi barədə ictimaiyyətə əlavə məlumat veriləcək.
Məişət kimyası müəssisəsində partlayış baş verib
Günün ikinci yarısında Sumqayıtda Məişət kimyası müəssisəsində yanacaq çənində partlayış olub verib və sonra müəssisənin sexlərində yanğın baş verib.
FHN və hüquq-mühafizə orqanlarındakı mənbələr Turan-a bildiriblər ki, partlayışın səbəbləri məlum deyil. Zərərçəkənlər barədə məlumatlar da ziddiyyətlidir. Qeyri-rəsmi məlumatlara görə, həlak olanlar və yaralananlar var. Şahidlərin sözlərinə görə, yanğının söndürülməsində 15 yanğınsöndürən maşın iştirak edir. Zavodun qarşısında bir neçə təcili yardım maşını dayanıb.
Saat 18:30-a olan məlumata görə, müəssisədə kimyəvi maddələr və yanacaq olan 12 çəndən 10-u partlayıb. Alovu söndürmək mümkün deyil. Yanğınsöndürənlər alovun yayılmasının qarşısını almağa çalışırlar.-02B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz