Front Line Defenders İlham Əmiraslanovun dərhal azad edilməsinə çağırır
Front Line Defenders beynəlxalq hüquq- müdafiə təşkilatı Azərbaycan hakimiyyətini hüquq müdafiəçisi, “Kür” qərargahının üzvü İlham Əmiraslanovun barəsində hökmün dərhal ləğv olunmasını və onun şərtsiz azadlığının təmin olunmasına çağırıb.
FLD İ.Əmiraslanovun saxlanma və həbs şəraitinin hərtərəfli qərəzsiz araşdırılmasına, günahkarların beynəlxalq standartlara uyğun cəzalandırılmasına çağırıb.
Təşkilatın müraciətində həbsdə olduğu müddətdə İ.Əmiraslanovun təhlükəsizliyinin təmin olunmasına çağırıb.
FLD qeyd edir ki, hakimiyyət hüquq müdafiəçilərinin məhkəmə də daxil olmaqla heç bir məhdudiyyət olmadan istənilən şəraitdə öz qanunu fəaliyyətini həyata keçirməsinə zəmanət verməlidir.
İ.Əmiraslanov sentyabrın 12-də CM-in 228.1-ci (odlu silah və döyüş sursatları saxlamaq, daşımaq) maddəsi ilə təqsirli bilinərək iki il müddətinə azadlıqdan məhrum edilib.
İ.Əmiraslanov iyunun 8-də saxlanılıb. O, digər fəallarla birlikdə daşqından zərər çəkən vətəndaşlar üçün ayrılmış dövlət vəsaitinin məmurlar tərəfindən mənimsənilməsi faktlarını ifşa edib.
Beynəlxalq hüquq müdafiə- təşkilatları dəfələrlə onun dərhal azadlığa buraxılmasını və obyektiv təhqiqatın aparılmasını tələb ediblər.
Demək olar ki, İ.Əmiraslanovun adı siyasi məhbusların siyahısına daxil ediləcək. Oqtay Gülalıyevdən sonra o, “Kür” qərargahı üzvləri arasında saxta ittihamla həbs olunan ikinci adamdır.
“Kür” qərargahı 2010-cu il daşqınlarından zərər çəkən vətəndaşların müdafiəsi məqsədilə bir neçə QHT tərəfindən yaradılıb. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz