2016-cı ildə Azərbaycan Sərhəd Xidməti 1,2 ton narkotik maddə qaçaqmalçılığının qarşısını alıb, bu da 2015-ci ildə olduğundan 7,2 dəfə çoxdur. Narkotik ticarəti ilə məşğul olan 5 mütəşəkkil qrup zərərsizləşdirilib. Bu barədə Dövlət Sərhəd Xidmətinin rəisi Elçin Quliyev cümə günü Sərhəd Xidmətində ötən ilin yekunlarına həsr olunmuş müşavirədə çıxış edərkən bildirib.
Hesabat dövründə sərhəd rejimini pozduğuna görə 13,248 min nəfər saxlanılıb. Eyni zamanda, barəsində axtarış elan edilmiş 4,59 min nəfər saxlanılıb. 49 mln. manatdan çox dəyəri olan malların qaçaqmalçılığının qarşısı alınıb, bu da ötən ilə nisbətən 8,3 dəfə çoxdur.
İl ərzində Azərbaycana qarşı kəşfiyyat fəaliyyəti həyata keçirən xarici xüsusi xidmətlərin 8 casusu müəyyən edilib, deyən Quliyev onların 7-nin Azərbaycan vətəndaşı, birinin isə əcnəbi olduğunu qeyd edib.
O, digər təfsilatları açıqlamayıb.
Quliyevin sözlərinə görə, ötən il başqa ölkələrin ərazisində döyüş əməliyyatlarında iştirakda şübhəli bilinən 8 Azərbaycan vətəndaşı və traffikinglə məşğul olan 6 qrup saxlanılıb. -02D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz