![Səudiyyə məhdudlaşdırmanı çıxış yolu bilir](https://turan.az/resized/media/2015/main/070200121952-750-500-resize.webp)
Səudiyyə məhdudlaşdırmanı çıxış yolu bilir
Jurnalistlərin Məkkə və Mədinəyə buraxılmaması yeni söhbət deyil, “İraq Şam İslam Dövləti” (İŞİD) terror qruplaşması meydana gələndən bu məsələ də meydana çıxıb. Bu haqda Turan-a Qafqaz Müsəlmanları idarəsindəki (QMİ) mənbə bildirib.
Yeri gəlmişkən, mənbə bəzi məsələləri dəqiqləşdirmək üçün bu ideyanın müəllifi olan Səudiyyə Ərəbistanının Bakı səfirliyi ilə əlaqə saxlamaq tövsiyəsi verib.
Diplomatik mənbələrın ehtimalına görə, İŞİD-in ərəb jurnalistikası daxilində çoxsaylı tərəfdarları var. Onlar ziyarətçi və s. libaslarda istənilən ziyarət obyektinə daxil olaraq, istənilən qədər informasiya toplaya bilirlər. Səudiyyə Ərəbistanı jurnalistləri ziyarət yerlərinə buraxmamaqla öz aləmində guya İŞİD-i hansısa ziyarət məkanı haqda infrormasiya toplamaqdan məhrum edir. Mənbələr bu məhdudlaşdırmanın müsbət və ya mənfi nəticələri barədə o qədər də həvəslə danışmırlar. Üstəlik, Səudiyyə tərəfin həm də ziyarətçilərdən belə tələbi budur ki, ziyarət məkanları barədə hər-hansı informasiya verməsinlər.
Amma nə üçünsə Səudiyyə Ərəbistanı jurnalistlərin ziyarət məkanlarına buraxılmamasını artıq çıxış yolu sayaraq, bu ilki həcc ziyarətində bu məhdudlaşdırmanı tətbiq edəcəyini bildirir. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz