Sevinc Osmanqızı hesab edir ki, onu siyasi motivlərlə təqib edirlər

ABŞ-da yaşayan  azərbaycanlı  jurnalist Sevinc Osmanqızı hesab edir ki, vətəndə hakimiyyət onu təqib edir. Bunun üçün əsas kimi o, Bakının Nəsimi rayon məhkəməsində keçmiş həyat yoldaşının ona qarşı Osmanqızı tərəfindən təhqir edildiyi haqqında qaldırıldığı məhkəmə iddiasını göstərir.

Turan-ın Vaşinqton müxbiri ilə söhbətində jurnalist iddia edib ki, iddia siyasi xarakterlidir.

“Görünür, prokurorlar mənə qarşı iş qurmaq sifarişi alıblar, mənim haqqımda müxtəlif dövlət qurumlarına sorğu göndərib. Bu münaqişə iki il əvvəl başlayıb və bitib, indi isə, görünür, ondan yenidən siyasi məqsədlərlə istifadə edirlər”, deyə o bildirib.

Osmanqızının fikrincə, hakimiyyət müstəqil mətbuatın təqibi kampaniyası çərçivəsində onu “cəzalandırmaq” üçün keçmiş həyat yoldaşından istifadə edir.

Onun fikrincə, o, televiziyada siyasi debatlar və tok-şoular apararkən hakimiyyəti qane etməyib. “Radikal müxalifət” adlandırılan ictimai xadimlər və hüquq müdafiəçiləri haqqında söhbət açmaq qadağan edilmişdi.

“Bu debatlar fikir plüralizminin ifadəsi üçün imkan idi. Lakin hakim Yeni Azərbaycan Partiyası onları boykot edib və layihənin bağlanmasını tələb edib. Eyni zamanda, müxalifət liderləri və ictimai xadimlər korrupsiya, pis idarəetmə, seçki sistemi və ölkənin digər aktual problemlərini müzakirə etmək məqsədilə şouya gəlirdilər”.

Həmin debatların iştirakçılarından bəziləri – Leyla Yunus, İlqar Məmmədov hazırda həbsdədirlər, deyə o bildirib.

Qeyd edək ki, əvvəllər Sevinc Osmanqızı Londonda BBC-nin Azərbaycan xidmətində, ABŞ-ın Bakıdakı səfirliyinin mətbuat xidmətində, ANS telekanalında işləyib.

Bu günlərdə onun keçmiş əri Azər Xəlilov məhkəmə iddiası qaldıraraq, keçmiş həyat yoldaşını onu təhqir etməkdə və ləyaqətini alçaltmaqda ittiham edib. O, məhkəmədən keçmiş həyat yoldaşını böhtan və təhqirə görə məsuliyyətə cəlb etməyi istəyib. -25В-