![Seymur Həzinin barəsində hökmdən AİHM-ə şikayət veriləcək (YENİLƏNİB)](https://turan.az/resized/750/500/resize/media/2016/main/041500153027.jpg)
Seymur Həzinin barəsində hökmdən AİHM-ə şikayət veriləcək (YENİLƏNİB)
Ali Məhkəmənin jurnalist Seymur Həzinin işi üzrə qərarından Avropa İnsan Hüquqları Məhkəməsinə (AİHM) şikayət veriləcək. Bu barədə Turan-a onun vəkili Fəxrəddin Mehdiyev bildirib.
Bu gün Ali Məhkəmə S.Həzinin barəsində məhkəmə qərarını qüvvədə saxlayıb. O, xuliqanlıqda ittiham olunaraq 5 il azadlıqdan məhrum edilib.
Qeyd edək ki, işə S.Həzinin iştirakı olmadan baxılıb.
Vəkil Adil İsmayılov S.Həzinin prosesdə iştirakının təmin edilməsi ilə barədə müraciət təqdim edib, lakin hakim İlham Cəfərov bildirib ki, məhkum öz əlilə ərizə yazmalıdır.
17 saylı koloniya administrasiyasının A.Həzinin məktublarını Ali Məhkəməyə göndərməməsi barədə vəkilin məlumatı hakimə təsir etməyib.
Vəkil qeyd edib ki, müdafiə tərəfi kassasiya şikayətində S.Həziyə bəraət verilməsini xahiş edib, çünki onun hərəkətlərində xuliqanlıq əməli olmayıb və o, təxribatın qurban olub.
Belə ki, Ceyranbatan qəsəbəsində dayanacaqda naməlum bir şəxs ona yaxınlaşaraq Facebook-da onun mesajlarına nədən cavab vermədiyini soruşub. S.Həzi deyib ki, ola bilsin ki, onları görməyib. Buna cavab olaraq naməlum şəxs onu yumruqla vurub. S.Həzi özünü müdafiə etmək üçün əlindəki su butılkası ilə onu vurub.
Sonradan məlum olub ki, S.Həsənov Facebook barədə heç bir təsəvvürü yoxdur və S.Həziyə hansı profildən yazması barədə suala cavab verə bilməyib.
Vəkil deyib ki, Həsənov xuliqanlığa görə məsuliyyətə cəlb edilib.
“Əgər o, xuliqanlıq törədibsə S.Həzinin hərəkətləri xuliqanlıq sayıla bilməz, çünku o, özünü müdafiə etməli olub”, - A.İsmayılov bildirib.
Sonra o qeyd edib ki, Azərbaycan reallığını nəzərə alaraq, hakimlər B.Həziyə bəraət verə bilməz.
Bununla belə, məhkəmə S.Həzinin cəzasını yumşalda və onu azad edə bilər.
O, baş prokuror Zakir Qaralovun hüquq müdafiəçisi İntiqam Əliyevin işi üzrə Ali Məhkəmənin plenumuna məktubunda müttəhimin şəxsiyyətinin və cinayət işi şəraitinin nəzərə alınmasının vacibliyi ilə bağlı presedentə toxunub.
Bununla əlaqədar A.İsmayılov qeyd edib ki, S.Həzi orduda zabit kimi xidmət edib, Laçın rayonundan məcburi köçkündür, jurnalistdir, həmçinin həbs cəzasının demək olar ki, 2 ilini çəkib.
Digər vəkil Fəxrəddin Mehdiyev diqqəti ona yönəldib ki, S.Həzi siyasət, beynəlxalq münasibətlər mövzusunda yazan tanınmış jurnalistdir. Bundan əlavə, yerli və beynəlxalq ictimaiyyətin etimadını qazanıb, “vicdan məhbusu” kimi tanınıb.
Lakin qısa məşvərətdən sonra məhkəmə şikayəti təmin etməyərək qərarı qüvvədə saxlayıb.
Vəkil F.Mehdiyev Turan-ın müxbiri ilə söhbətində məhkəmənin qərarını əsassız, qanunsuz və ədalətsiz adlandırıb. Onun sözlərinə göpə, hökmdən Avropa İnsan Huquqları Məhkəməsinə şikayət veriləcək. İş üzrə ilk şikayət – qanunsuz həbslə bağlı iş Strasburq məhkəməsində icraata götürülüb. —06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz