REAL Hərəkatının lideri, həbsdə olan İlqar Məmmədov iyunun 18-də 90 saylı dairədə Milli Məclisə keçiriləcək təkrar seçkilərdə iştirak etmək niyyətindədir. Bu barədə REAL Hərəkatının icraçı katibi Natiq Cəfərli Facebook səhifəsində yazıb.
Onun sözlərinə görə, İ.Məmmədovun barəsində qanuni qüvvəyə minən hökm yoxdur, çünki iş Şəki Apellyasiya Məhkəməsinə qaytarılıb. Odur ki, REAL lideri deputatlığa namizədliyini irəli sürə bilər. Çünki qanuna görə, ittiham edilən şəxsin seçkilərdə namizədliyini irəli sürmək hüququ var.
İ.Məmmədov 2013-cü ilin yanvarında İsmayıllıda baş vermiş iğtişaşlarla bağlı həbs olunaraq 7 il müddətinə azadlıqdan məhrum edilib.
Avropa İnsan Hüquqları Məhkəməsi İ.Məmmədovun qanunsuz həbs olunduğunu tanıyıb və onun dərhal azad edilməsinə çağırıb.
Azərbaycan Ali Məhkəməsi işi təkrar baxılmaq üçün Apellyasiya Məhkəməsinə qaytarıb. 90 saylı Ağdaş seçki dairəsində təkrar seçkilər 1 noyabr 2015-ci il parlament seçkilərində səsvermənin nəticələrinin yekunlarının ləğvi ilə əlaqədar keçirilir.-16D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz